Ahmetaj: Prezenca britanike në dogana do të rrisë kredibilitetin
Shqipëria dhe Anglia nënshkruan memorandumin e bashkëpunimit për asistencë të përbashkët për çështjet doganore. Ministri i Financave dhe Ekonomisë, Arben Ahmetaj, gjatë vizitës së tij dyditore në Londër, në kuadër të pjesëmarrjes në Forumin e Investimeve të vendeve të Ballkanit Perëndimor, organizuar nga BERZH, ka zhvilluar gjithashtu edhe takime me zyrtarët e lartë të Doganave dhe Tatimeve të Mbretërisë së Bashkuar. Së fundmi, Shqipëria është bërë pjesë e projektit ndërko- mbëtar “UK Border Force Project Hunter”, i cili ka për qëllim të ndërtojë në nivel ndërkombëtar aftësimin në grumbullimin, analizimin dhe shënjestrimin e të dhënave për mallra dhe pasagjerë. Në kuadër të këtij projekti, në ambientet e Drejtorisë së Përgjithshme të Doganave në Tiranë është vendosur Steven Whitting, oficer kontakti i UK Border Force. Në diskutimin e tij, ministri Ahmetaj tha se prezenca britanike në Shqipëri është shumë e rëndësishme për ne, jo vetëm në as- pektin operacional, por edhe në përmirësimin e imazhit dhe rritjen e kredibilitetit. Ministri e njohu palën britanike me nismat më të fundit të ndërmarra nga doganat, përfshirë vlerësimin në qendër tashmë tërësisht online dhe transparent. “Shumë shpejt do të mundësohet vlerësimi online edhe për eksportuesit, ndërsa brenda shtatorit do të mundësojmë gjurmimin në kohë reale të trafikut komercial”, tha Ahmetaj. Ahmetaj shtoi se performanca ka ardhur në rritje, jo vetëm në aspektin e mbledhjes së të ardhurave. “Tashmë kemi një sistem shumë të mirë të mbledhjes së të dhënave, por kemi nevojë për ndihmën dhe asistencën tuaj për të thelluar analizën e këtyre të dhënave. Integrimi me databazën e tatimeve është një sfidë që kemi. Ne po punojmë për të krijuar një platformë të përbashkët, që do integrojë njësitë e riskut dhe ato të inteligjencës mes dy institucioneve” tha ministri. Një tjetër pikë diskutimi ishte roli i rëndësishëm i doganave në lehtësimin e tregtisë mes ven- deve, edhe në kuadër të avancimit të Procesit të Berlinit. Marrëveshja e bashkëpunimit u nënshkrua në Londër nga drejtoresha e përgjithshme e Doganave, Belinda Ikonomi, dhe homologia e saj në Angli, Penny Ciniewicz.