Itali, sondazhet favorizojnë Di Maio, por edhe Berlusconi- n
Zgjedhjet e 4 marsit në Itali priten me shumë interes në të gjithë Europën, për shkak të aleancës së Berlusconi- t me një parti që njihet si ekstremi i djathtë ( Lega Nord), si dhe Lëvizjes 5 Yjet, e cila gjithashtu është shumë mirë në sondazhe. Sipas liderit të kësaj lëvizjeje, Luigi Di Maio, ata janë gati për të prekur fitoren me një shumicë të mjaftueshme për të qeverisur. Sondazhet e fundit e tregojnë Lëvizjen 5 Yje më përpara se çdo parti tjetër, por ende nuk kanë 40 përqindëshin që i nevojitet për të qeverisur. Lideri i kësaj lëvizjeje pretendon se me prezantimin e ekipit të kabinetit, do ta kapin këtë përqindje. Të mërkurën, ata e prezantuan një pjesë të kabinetit të tyre të ministrave, nëse do të ndodhë që do t'i kërkohet qeveria pas zgjedhjeve të së dielës. Di Maio, i cili nuk ka mbushur as 31 vjeç, ia ka dërguar listën ministrore Presidentit të Republikës, Sergio Mattarella, duke e quaj- tur këtë një akt transparence. "Këtë herë italianët nuk do të votojnë pa ditur se kë po zgjedhin", tha ai. Emrat e propozuar deri tani për poste ministrore janë tre profesorë universiteti, një gjeneral nga karabinierët dhe një zyrtar i lartë i Ministrisë së Agrikulturës. Di mapo tha se mes emrave të rinj që pritet t'i propozojë sot, do të ketë edhe tri femra. Edhe nëse Lëvizja nuk fiton, mund të prishë shanset e partive të tjera të mëdha për koalicion, pasi ka numrin më të madh të votave si parti e vetme dhe ata nuk arrijnë shumicën edhe sikur të bashkohen, sipas sondazheve. Nga ana tjetër, italianët e duan edhe Berlusconi- n sidomos në qytetin dërrmuar nga tërmetet, Aquila, ku ai ka mundësuar strehimin e tyre. Edhe Lega Nord nuk shihet si ekstrem i djathtë në Itali. Madje, shumë i mbështesin politikat e tyre për dëbimin e emigrantëve dhe se islami nuk përputhet me Italinë.