Klosi: U nda nga jeta duke kryer një akt heroik
Ministri në Fier për ceremoninë e inspektorit të pyjeve
FIER- Pak pasi trupi i të ndjerit Agur Vrenozi u transportua në banesë për ta parë për herë të fundit familja e tij, te familjarët kreu një vizitë edhe ministri i Turizmit dhe Mjedisit, Blendi Klosi. Ai shoqërohej nga deputeti i fierit Xhevit Bushi. Kreu i Mjedisit mori pjesë në ceremoninë e 54- vjeçarit si ministër i linjës, duke qenë se i ndjeri punonte si inspektor pyjesh në Fier. Ai ishte me profesion inxhinier mjedisi. Klosi u shpreh se akti i Agurit është akti i një njeriu të përgjegjshëm, që nuk donte këtë Shqipëri që është sot. “Në të tilla raste, fjalët janë të tepërta. Ne erdhëm t’i shprehim ngushëllimet tona më të sinqerta familjes së të ndjerit e natyrisht, të shprehim gjithë indinjatën tonë për ngjarjen, por edhe vlerësimin maksimal për veprën e inspektorit, veprën e njeriut të mrekullueshëm e babait shembullor, veprën e një sh- tetari të rregullt, babanë e katër fëmijëve, i cili u nda nga jeta duke kryer një akt heroik, duke qenë realisht shembull i një njeriu të përgjegjshëm të një njeriu që donte që Fieri e Shqipëria të mos ishte kjo që është sot. Jemi si institucion me familjen e tij”, u shpreh për mediat dje ministri Klosi. Në ceremoni kanë qenë edhe kolegët e 54- vjeçarit, të cilët shprehën dhimbje për ngjarjen që tronditi të gjithë Fierin dy ditë më parë. 54- vjeçari ndërroi jetë disa orë pasi u transportua në Spitalin e Traumës në Tiranë. Por plaga e shkaktuar në kokë ka qenë vdekjeprurëse dhe ndërhyrja e mjekëve nuk dha rezultatin që shpresonte familja e të afërmit e tij.