Shukri Xhelili dënohet për mosdeklarim të të ardhurave
Gjykata e Dibrës e dënon me gjobë për fshehje të pasurisë
Ish- kryebashkiaku i Dibrës, Shukri Xhelili, i cili u vu në qendër të një skandali dy vjet më parë, është sërish në telashe.
Gjykata e Dibrës e ka dënuar atë me 200 mijë lekë të reja gjobë, pasi e shpalli fajtor për refuzim të deklarimit të pasurisë. Vendimi, i cili është siguruar nga “Panorama” është dhënë në fakt që më 17 janar. Në janarin e vitit të kaluar, ishkryebashkiaku i Dibrës, i ardhur nga radhët e PS- së u dënua për korrupsion nga Gjykata e Krimeve të Rënda me 2 vjet e 8 muaj për skandalin e punësimit në këmbim të seksit. Në atë kohë, ai u kallëzua me video nga një 20vjeçare me inicialet A. A., së cilës Xhelili i premtonte punë në Bashkinë e Dibrës në këmbim të seksit. Si provë kundër Shukri Xhelilit ishte një videoregjistrim ku e implikonte atë në aferën seksuale në këmbim të punësimit. Por kësaj here, Gjykata e Dibrës e ka shpallur fajtor për mosdeklarim të të ardhurave. Sipas Gjykatës, Shukri Xhelili, në ILDKP ka fshehur pasurinë. Më konkretisht, Shukri Xhelili nuk ka deklaruar një kontratë sipërmarrjeje me vlerë 34 mijë euro për ndërtimin e një apartamenti me sipërfaqe 91 metra katrorë, të cilin e ka kaluar në emër të të birit. Gjithashtu, ai ka fshehur edhe një tjetër apartament në emër të të birit, që ndodhet në Tiranë. Po kështu, ish- krye- bashkiaku i Dibrës, ka fshehur edhe 22 mijë euro që ka përfituar nga shitja e një apartamenti në Lagjen 13 të Peshkopisë. Ai ka pasur edhe 8.2 milionë lekë kesh, të cilat i ka justifikuar si të ardhura nga biznesi. Gjithashtu, 24 mijë euro që janë paguar për blerjen e një automjeti me marrëveshje mes dy firmave nuk është deklaruar. Kështu, Gjykata në fund e ka dënuar atë me 200 mijë lekë gjobë për mosdeklarim të pasurisë.
SKANDALI Shukri Xhelili u vu në qendër të vëmendjes, kur ndaj tij u publikua në media një skandal seksual, ku i kërkonte një vajze 20- vjeçare seks në këmbim të një vendi pune në Bashkinë e Dibrës. Më konkretisht, sipas dosjes hetimore, shtetasja A. A. me banim në Dibër, ka komunikuar përmes rrjeteve sociale në janar 2016 me Shukri Xhelilin, që në atë kohë ishte kryebashkiak i Dibrës. Ajo kërkonte një mundësi për të nisur punë pranë Bashkisë Dibër. Pasi ka shkëmbyer numrin e telefonit celular me Xhelilin, ky i fundit e ka ftuar në një takim dhe i ka prezantuar kallëzueses mundësitë për të punuar në Bashkinë e Durrësit. Pas disa takimesh, Xhelili në cilësinë e kryetarit të Bashkisë i ka kërkuar vajzës që të kishte një marrëdhënie intime kundrejt mundësisë për gjetjen e një vendi pune, në Bashkinë Dibër, duke e kushtëzuar punësimin e shtetases A. A.. Vetëm nëse ajo pranonte të kishte një marrëdhënie intime me të pandehurin Shukri Xhelili. Ajo e gjendur para kësaj situate, ka regjistruar bisedat me Xhelilin dhe e ka pranuar kushtin, por që këtë favor seksual ta pranonte pasi të punësohej. I pandehuri Shukri Xhelili, në cilësinë e kryetarit të Bashkisë Dibër, me vendimin MIJË lekë është gjoba që ka vendosur Gjykata e Dibrës për Shukri Xhelilin, i cili është shpallur fajtor për mosdeklarim të të ardhurave. Vendimi është marrë në janar të këtij viti. me nr. 25, datë 26.02.2016, ka vendosur emërimin e shtetases A. A., në detyrën e magazinieres pranë Qendrës Kulturore, në Bashkinë Dibër. Vendimi i emërimit të shtetases A. A. në pozicionin e mësipërm është marrë pa u kryer më parë ndonjë procedurë emërimi si dhe njëkohësisht pa u paraqitur ndonjë dokumentacion nga ajo. Në datën 26.02.2016 shtetasja A. A është takuar me Shukri Xhelilin në zyrën e këtij të fundit dhe ka regjistruar bisedën e kryer midis tyre. Në këtë takim, i pandehuri Shukri Xhelili ka nënshkruar vendimin e emërimit në punë dhe njëkohësisht i ka kërkuar shtetases A. A. që të dilnin së bashku atë ditë, se akoma nuk kishte pasur marrëdhënie intime me të. Më pas vajza, pasi ka shkuar në hotel dhe e ka filmuar, ka refuzuar të kryejë marrëdhënie seksuale me të dhe ka publikuar videon.