Gjykata vendos "arrest shtëpie" për ish- pronarin e "Kristal"- it
Gjykata e Tiranës ka vendosur masën e sigurisë "arrest shtëpie" për Ahmet Muçajn, ish- administratori i universitetit "Kristal", i cili u arrestua nga Policia pas skandalit të diplomave false që jepte kundrejt pagesave. Ka qenë Prokuroria e Tiranës ajo që ka kërkuar një masë më të lehtë për Muçajn, duke qenë se ai është në një moshë madhore dhe nuk përbën rrezik për shoqërinë. Seanca u zhvillua ditën e djeshme me dyer të mbyllura për shkak të sekretit hetimor. Ndërkohë, "Panorama" mëson se Prokuroria e Tiranës ka dyshime se një skemë e tillë falsifikimi diplomash është përdorur edhe nga persona të tjerë, duke përdorur numrat e amzave të universiteteve që janë mbyllur tashmë. Hetimet për këtë skemë falsifikimi vazhdojnë ende. Dy ditë më parë, Prokuroria e Tiranës ka sekuestruar regjistrat e universitetit jopublik "Kristal", të cilat janë arkivuar në Ministrinë e Arsimit. Regjistrat iu nënshtruan këqyrjes së imtësishme, nëse në to ka pasur ndërhyrje edhe pas mbylljes së aktivitetit të këtij universiteti. Ato i përkasin viteve 2006- EURO ishte shuma që pagoi një vajzë për të marrë një diplomë false nga Universiteti "Kristal". Vajza, e cila është bashkëpunëtore e drejtësisë, parapagoi 1 mijë euro në fillim te Muçaj dhe më pas, kur mori diplomën, i dha ish- administratorit të universitetit edhe shumën tjetër prej 1500 eurosh. 2014. Prokuroria ka pasur dyshime se diplomat e falsifikuara, që bliheshin me para, regjistroheshin në këto regjistra të arkivuar, sikur ishin marrë në vitet kur universiteti ishte i hapur. Ka qenë një vajzë nga Laçi, e cila ka bashkëpunuar me Prokurorinë e Tiranës për një muaj, që ka bërë të mundur zbulimin e skemës. Ajo është takuar përmes një sekseri me Ahmet Muçajn dhe ka kërkuar që të marrë një diplomë në universitetin "Kristal", edhe pse ky i fundit është mbyllur. Vajza ka paguar fillimisht 1 mijë euro dhe më pas do të paguante edhe 1500 euro pasi të merrte diplomën. Tri ditë më parë, ajo është takuar me të arrestuarin ku i ka dorëzuar vlerën e mbetur prej 1500 eurosh dhe ka marrë diplomën.