Gjykata “rrëzon” Gashin: Shkarkimi ishte i ligjshëm
Avokati i Gashit: Do ta apelojmë, vendimi nën frikën e vetingut
Prokurorja Rovena Gashi ka humbur betejën e parë ndaj Kryeprokurores së përkohshme, Arta Marku.
Bëhet fjalë për padinë që ajo kishte bërë ndaj saj në Gjykatën Administrative të Tiranës, pas shkarkimit me urdhër të Kryeprokurores. Gashi mbante postin e drejtores së Drejtorisë së Marrëdhënieve Juridiksionale me Jashtë në Prokurorinë e Përgjithshme, kur në fund të dhjetorit, u shkarkua nga ai post dhe u emërua prokurore në Sektorin e Dekriminalizimit, që është pjesë e së njëjtës drejtori. Ajo ngriti padi ndaj Markut në Gjykatën Administrative. Por me vendimin e ditës së djeshme, Gjykata Administrative i jep të drejtë Kryeprokurores Arta Marku. Gjyqtari i seancës tha, teksa lexonte vendimin, se Marku i ka të gjitha kompetencat e Kryeprokurorit deri sa të ngrihet Këshilli i Lartë i Prokurorisë. Ndaj, Marku mund të ndryshojë strukturën në Prokurorinë e Përgjithshme dhe mund të shkarkojë dhe emërojë prokurorë. Vendimi i Gjykatës Administrative nuk e ka kënaqur aspak palën tjetër. Avokati Çlirim Gjata, që përfaqëson Rovena Gashin, tha dje se do ta ankimojë vendimin në Apelin Administrativ. Ai shtoi se vendimi është marrë nga Gjykata nën trysninë e procesit të vetingut. “Gjyqtari kujton se do të shpëtojë nga vetingu me këto vendime që jep”, tha Çlirim Gjata pas seancës gjyqësore ku u shpall vendimi.
PADIA Ish- drejtorja e Marrëdhënieve Juridiksionale me Jashtë në Prokurorinë e Përgjithshme, Rovena Gashi, bëri padi në Gjykatën Administrative, vetëm 10 ditë pas lëvizjes së saj nga posti që mbante. Më 29 dhjetor të vitit të sh- kuar, Kryeprokurorja e përkohshme, Arta Marku, e transferoi Gashin te Sektori i Dekriminalizimit. Por Gashi nuk e ka pritur aspak mirë këtë lëvizje dhe më 8 janar 2018, bëri padi në Gjykatën Administrative, duke kërkuar shfuqizim të urdhrit të Kryeprokurores Arta Marku. Ajo ka hedhur akuza të forta ndaj Markut, duke shkruar në padi se shkak i lëvizjes ka qenë kërkesa drejtuar KQZ- së, për heqjen e mandateve të Aqif Rakipit dhe Gledjon Rehovicës. Gashi, në padinë drejtuar Gjykatës Administrative, jepte gjashtë arsye pse duhej pezulluar urdhri i Markut për lëvizjen e saj. Ajo madje zbuloi edhe bisedën me Arta Markun përpara shkarkimit dhe në momentin kur iu komunikua lëvizja. Sipas Gashit, Kryeprokurorja e përkohshme i ka thënë se dërgimi në Komisionin Qendror të Zgjedhjeve, të vendimeve të Sektorit të Verifikimit të Integ- ritetit në Drejtorinë e Marrëdhënieve Juridiksionale me Jashtë, në lidhje me rezultatet e verifikimit për deputetet e Kuvendit të Republikës së Shqipërisë, Aqif Rakipi dhe Gledjon Rehovica, pa u konsultuar paraprakisht me të dhe pa firmën e saj, përbën shkelje ligjore dhe etike dhe, për këtë qëllim, do lirohej nga detyra e drejtorit të kësaj Drejtorie. Gjithashtu, vetë Gashi justi- fikohet në kërkesën e saj, se ajo është konsultuar me Kryeprokuroren e përkohshme, por kjo e fundit i ka thënë, sipas saj: “Nuk kam kohë tani, sepse kam shumë punë. Informacionin ma dërgo me shkrim”. Gashi thotë në padinë drejtuar Gjykatës Administrative, se Prokurorja e Përgjithshme e përkohshme, nuk ka të drejtë të miratojë ose ndryshojë organikën e Prokurorisë.