Kryeministri i Kanadasë i quajti të papranueshme tarifat e para
Kryeministri i Kanadasë, Justin Trudeau, në reagimin e parë të tij, javën e kaluar, mbi tarifat e SHBA- ve mbi importet e çelikut dhe aluminit, tha se ato tarifa do të ishin "absolutisht të papranueshme". Priten ende detaje të reja nga plani i Presidentit të Shteteve të Bashkuara për të rritur me 25 për qind tarifat mbi çelikun dhe 10 për qind mbi aluminin, se si do të jenë ndryshimet në marrëdhënie tregtare nga vendi në vend. momentin, Kanadanë dhe Meksikën nga tarifat dhe kanë lënë hapur mundësinë që më pas të përjashtojnë aleatë si Australia. Por urdhri i vendosjes së tarifave, i cili do të hyjë në fuqi brenda 15 ditësh, mund të prekë Korenë e Jugut, Kinën, Japoninë, Gjermaninë, Turqinë dhe Brazilin dhe liderët e huaj parala- jmëruan për hapjen e një lufte tregtare, që mund të përshkallëzohet në industri të tjera, si dhe të synojë mallrat amerikane. Në BE e kanë bërë të qartë se nëse hyn në fuqi kjo masë, që së pari do të godasë industrinë gjermane, vendi i BE- së që eksportohen më shumë nga këto materiale në SHBA, atëherë BE do të vendosë taksa ndaj produkteve amerikane si motorët Harley Davidson, uiskin “Bourbon” dhe xhinset “Levi’s”. Trump, një kritik i globalizmit, ka argumentuar se SHBA është rrënuar nga partnerë të padrejtë tregtarë, veçanërisht në sektorë si alumini dhe çeliku. Urdhri është të ngrihen taksat për çelikun e huaj me 25 për qind dhe në aluminin e importuar me 10 për qind. Grupet e biznesit kanë paralajmëruar se ndikimi mund të ndihet në të gjithë zinxhirin e furnizimit, pasi konsumatorët përballen me çmime më të larta për makina, pajisje dhe mallra të tjerë të konsumit. Por ndihmësit e Trump- it i hodhën poshtë parashikimet e tilla si të mbingarkuara dhe thanë se shumica e amerikanëve vështirë se do të vërejnë ndonjë ndikim. “Do të jemi shumë fleksibël”, tha Trump në një takim në Shtëpinë e Bardhë. Fleksibiliteti prek Kanadanë dhe Meksikën, dy vende që eksportojnë sasi të mëdha çeliku dhe alumini.