Rama kujton Ivanov: Pa shqiptarët nuk ka Maqedoni
Kryeministri: Gjuha shqipe nuk është gjuhë e armikut, por gjuhë e një populli konstitutiv në Maqedoni
Kryeministri i Shqipërisë, Edi Rama, e ka dënuar vendimin e Presidentit të Maqedonisë, Gjorgje Ivanov, për të mos e dekretuar për të tretën herë ligjin për gjuhët në Maqedoni, edhe pse në këtë votim të tretë atë e detyron Kushtetuta që të vendosë firmën.
Miratimi i ligjit për gjuhët ishte një nga marrëveshjet paraqeveritare në Maqedoni, por ka shkaktuar shumë polemika mes politikanëve dhe mbështetësve të ish- partisë së Kryeministrit Nikolla Gruevski. Ditën që u miratua ligji për gjuhët, Gruevski sulmoi fizikisht Kryeparlamentarin Talat Xhaferi, por situata nuk u bë dramatike pasi sigurimi ndërhyri në kohë. Xhaferi është politikan mes shqiptarëve të Maqedonisë, i pari shqiptar që ka arritur të mbajë këtë post të lartë. Ai e ka nxitur shumë miratimin e ligjit të gjuhëve, i cili forcon përdorimin e gjuhës shqipe në Maqedoni. Por opozita është zotuar se nuk do ta lejojë miratimin dhe zbatimin e ligjit për gjuhët, i cili, bazuar edhe në marrëveshjen e Ohrit që solli paqe më shumë se 15 vite më parë dhe ende nuk po gjen zbatim, i jep të drejtën e një gjuhe të dytë zyrtare, asaj të përdorur nga 20 për qind e popullsisë. Në këtë rast, në Maqedoni është gjuha shqipe. Xhaferi tha se Kushtetuta kërkon që Presidenti ta nënshkruajë një ligj, që kthehet për herë të tretë i miratuar në Kuvend. Por Ivanov, i cili mban anën e opozitës së drejtuar nga VMRO- DPMNE, nuk do ta dekretojë sërish këtë ligj. Atij i është drejtuar Kryeministri shqiptar, Edi Rama: "Z. Ivanov, gjuha shqipe nuk është gjuhë e armikut, por gjuhë e një populli konstitutiv në Maqedoni. Pa shqiptarët nuk ka Maqedoni, i nderuar President Ivanov", ka shkruar Rama në "Facebook". Sipas Ramës, mi- ratimi i ligjit për gjuhën shqipe paraqet arritje historike për shqiptarët, por kjo njëkohësisht edhe e demokratizon dhe forcon Maqedoninë.
Por ekspertët vlerësojnë se me nënshkrimin e Kryetarit të Kuvendit dhe shpalljen e tij në Gazetën Zyrtare, Presiden- ti do të gjendej ligjërisht para aktit të kryer. Nikolla Dujovski thekson se praktika të tilla ka pasur edhe më herët. "Do të ishte mirë që Presidenti ta nënshkruante ligjin sepse për atë është i obliguar dhe nuk ka të drejtë të mos e bëjë. Nuk është detyrë e tij të vlerësojë procedurën. Por përderisa e dimë se me cilin kemi punë, pres që të përsëritet ajo që ka ndodhur edhe më herët. Kur presidentët nuk kanë dekretuar ligje, mjafton që të kalojnë gjashtë ditë dhe me nënshkrimin e Kryetarit të Kuvendit ligji, i cili është votuar për herë të dytë, të adresohet në Gazetën Zyrtare dhe me këtë të hyn në fuqi. Pas kësaj mund të pasojnë iniciativat për vlerësimin e kushte tutsh mërisë së ligjit ", ka thënë analisti Nikolla Dujovski.
Derisa shumica parlamentare nuk bëjnë të ditur nëse kanë plan B në rast se Ivanov përfundimisht nuk nënshkruan ligjin, ekspertët këmbën- gulin se shkeljet procedurale dhe jo kushte tutsh mërinë e ligjit mund ta vlerësojë vetëm Gjykata Kushtetuese. IshKryeministri Nikolla Gruevski veprimet e tij në miratimin e ligjit, i arsyetoi me tentativa për ta penguar procedurën, siç e quajti ai, jokushtetuese. Kreu i Kuvendit, nga ana tjetër, ka përsëritur se rreth mënyrës për hyrjen e ligjit në fuqi, akoma është duke u diskutuar. Ligji për përdorimin e gjuhëve u miratua më 11 janar, ndërsa më 17 janar Ivanon njoftoi mosdekretimin. Leximi i tretë u bë shumë ditë pas afatit 30- ditor të paraparë me Rregulloren e Kuvendit. Arsye për këtë, sipas të parit të ligjvënësit, ishte ideja që subjektet të unifikohen për veprim të logjikshëm. Ligji për përdorimin e gjuhëve për herë të dytë u miratua më 14 mars me 64 vota "pro" dhe pa shqyrtuar asnjë nga 35 mijë amendamentet e VMRO- DPMNE- së.