SHKAKU I VRASJES
Elsi Kosiqi u vra në oborrin e shtëpisë në orët e vona të së hënës. Pasi e thirrën në emër, ishin tri të shtëna me armën e zjarrit që i morën jetën 32- vjeçarit.
Vrasja në Maqellarë të Dibrës ka ngjallur frikë dhe panik në këtë zonë, ndërsa autori është identifikuar pas disa orësh mbajtje nën mbikëqyrje nga Policia. Prej orëve të para të mëngjesit të djeshëm, forca të shumta ngritën postblloqe në Mat, Bulqizë e Dibër. Zyrtarë të Policisë bëjnë të ditur se autori i dyshuar është Mehmut Gega, 24 vjeç, banues në fshatin Okshatinë. Shkak për vrasjen e 32- vjeçarit besohet se kanë qenë konfliktet e vazhdueshme mes tyre, por ende nuk dihet arsyeja, po ashtu as bashkëpunëtorët e tij. Për zbardhjen e plotë të ngjarjes, mësohet se hetimet janë shtrirë dhe në vendin fqinj, Maqedoni, pasi viktima ka dalë dhe hyrë në pikën kufitare të Bllatës, i shoqëruar me persona të tjerë mesnatën e së hënës. “Oficerë të Policisë Gjyqësore Dibër kanë udhëtuar që në orët e para të ditës së djeshme drejt Maqedonisë”, tha një drejtues lokal i Policisë. “Në Pikën e Kalimit Kufitar Bllatë janë siguruar të dhëna për lëvizjet e Kosiqit. Nuk mund të themi detaje, por 32- vjeçari ka hyrë dhe ka dalë në kufi me persona të tjerë. Ne po hetojmë gjithashtu ku ka qenë Kosiqi një natë para vrasjes, nën shoqërinë e kujt ka qenë dhe çfarë kanë bërë matanë kufirit”, thanë të njëjtat burime. Ngjarja ka ndodhur në orën 01: 30. Vila e familjes Kosiqi ndodhet në qendër të Maqellarës, në anë të rrugës nacionale Bulqizë- Peshkopi. Policia ka sekuestruar kamerat e sigurisë në Doganën e Bllatës dhe ato të bizneseve të Maqellarës dhe po shihet me kujdes lëvizja e çdo automjeti apo personi gjatë një natë më parë. Ndërkohë, grupi hetimor pret dhe fakte të reja nga Maqe- Zyrtarisht, Policia e Dibrës thotë se shkak për vrasjen është konflikti për motive të dobëta. Burimet bëjnë të ditur se dy të rinjtë kanë pasur konflikte të vazhdueshme me njëri- tjetrin. Në momentin e vrasjes, viktima Elsi Kosiqi kishte vetëm pak orë që ishte kthyer nga Maqedonia. Ndërkohë, autori, Mahmut Gega, u shoqërua për t’u marrë në pyetje pak pas ngjarjes si i dyshuar. 24- vjeçari Gega rezulton se në vitin 2015 është përfshirë në një aksident rrugor me pasojë vdekje. Në aksidentin e ndodhur në Grezhdan, Gega, duke drejtuar mjetin tip “Audi”, është përplasur me mjetin tip “Ford Galaxy”, ku mbeti e vdekur shtetasja F. M, vjeç 42, banuese në Maqellarë. donia që mund të çojnë në zbardhjen e plotë të vrasjes. Pak pas ngjarjes, Policia e Dibrës shoqëroi pesë persona, mes së cilëve ishte dhe autori i dyshuar Mehmut Gega. 24vjeçari, pas marrjes në pyetje, është mbajtur nën mbikëqyrje nga forcat e Policisë, gjë e cila çoi dhe në zbulimin se ishte pikërisht ai autori i krimit. Lidhur me shkakun e krimit, zyrtarisht Policia thotë se bëhet fjalë për konflikt për motive të dobëta. Përgjimi i telefonatave të disa personave ka hedhur dyshimet e para për motivet e krimit që ka të bëjë me një va- jzë. Ndërkohë, Policia ka ngritur dhe pista të tjera, për të cilat po hetohet. Një nga pistat është ajo e ndonjë lidhjeje të fshehtë dashurie e 32- vjeçarit, zbulimi i së cilës mund të ketë çuar në vrasjen e tij. Familja Kosiqi ka një biznes në Peshkopi. Ekzekutimi i 32- vjeçarit nuk ka lidhje me aktivitetin privat, me llixhat në Peshkopi. Po ashtu, familja Kosiqi dhe vetë Elsi nuk kanë pasur konflikte me persona të tjerë. Personat e shoqëruar dhe të tjerë që janë nën hetim, pritet të japin informacion për zbardhjen e ngjarjes së ndodhur në Maqellarë të Dibrës.