Kufiri, seancë maratonë në Kuvendin e Kosovës

Fjalime deri pas mesnate në pritje të votimit të Demarkacionit

Kuvendi i Kosovës ka zhvilluar të martën një seancë maratonë për Demarkacionin me Malin e Zi, e cila ka zgjatur deri në orët e para të së mërkurës.

Ndërkohë që pas fjalimit të krerëve të grupeve parlamentare janë renditur dhjetëra deputetë që të mbajnë fjalimet e tyre në kohën ligjore prej dhjetë minutash, nuk dihej akoma nëse ishin mbledhur 80 votat që duheshin për Demarkacionin. Ka një mundësi që votat të kenë qenë mbledhur, pasi serbët në Kuvendin e Kosovës, të cilët e kanë kushtëzuar votimin e Demarkacionit me Themelimin e Asociacionit të Komunave me Shumicë Serbe në Kosovë, të kenë rënë dakord pasi në ditën e votimit, Blerim Shala, këshilltari i presidentit të Kosovës, ka thënë se Prishtina e ka obligim formimin e Asociacionit të Komunave Serbe, si dhe se duhet ta shfrytëzojë rastin dhe të arrijë marrëveshje ligjërisht obliguese dhe t’i normalizojë marrëdhëniet me Serbinë. Deri pranë orës 21: 00, kishte edhe 30 deputetë që kishin kërkuar për të mbajtur fjalën në Kuvend. Foltorja ishte e zënë deri pas mesnatës. Me fjalime ku deputetët tallnin njëri- tjetrin, debati është bërë i padurueshëm jo vetëm për shikuesit, por edhe për vetë deputetët, ku gjysma e tyre ishin larguar nga salla e Kuv- endit, sipas postimeve në “Facebook”. Qeveritarët në Kosovë kanë bërë thirrje për votimin pro Demarkacionit me Malin e Zi. Kryeministri Ramush Haradinaj, para se të niste seanca, u shpreh i sigurt se Demarkacioni do të votohej, pasi nuk do ta caktonin dis- kutimin për të nëse nuk do të kishin pasur votat. Haradinaj ka kujtuar se është BE- ja që po kërkon ratifikimin e Demarkacionit si kusht për liberalizimin e vizave. Ai u ka kërkuar deputetëve që të mos votojnë kundër arsyetimit. “Nuk ka zyrtar të BE- së që ka vizituar Kosovën, që nuk ka thënë kryejeni këtë temë dhe çlironi njerëzit tuaj”, tha Kryeministri Haradinaj. Sipas tij, nëse nuk votohet Demarkacioni, nuk po ndëshkohet politika, por qytetari i zakonshëm i Kosovës. Ai edhe një herë ka siguruar se me kalimin e Demarka- cionit Kosova nuk do të humbasë territor. Mbrëmë ishte hera e katërt që po tentohet të votohet marrëveshja e kufirit me Malin e Zi, si kushti kryesor për liberalizimin e vizave. LDK, PDK, AAK, Nisma dhe minoritetet jo serbe janë deklaruar se do ta votojnë.