PD- PS, takim me ambasadorët për reformën

Dy bashkëkryetarët e Komisionit të Posaçëm të Reformës Zgjedhore kanë zhvilluar dje një takim me Ambasadorët e vendeve të OSBE- së për të diskutuar rreth ecurisë së reformës. Në këtë takim ishin të pranishëm ambasadori i OSBE- së në Tiranë, Bernd Borchard, dhe ambasadori i Shteteve të Bashkuara të Amerikës në Tiranë, Donald Lu. Bashkëkryetari i Komisionit, Bledi Çuçi, ka publikuar një mesazh në faqen e tij të “Facebook”- ut, ku theksohet se ambasadorët vlerësuan punën e bërë nga komisioni. “Në takimin me ambasadorët e vendeve të OSBE- së ku diskutuam për ecurinë e Reformës Zgjedhore, ambasadorët vlerësuan njëzëri punën e bërë deri tani nga dy bashkëkryetarët e komisionit ad- hoc për Reformën Zgjedhore”, thekson Çuçi. Ditën e premte Komisioni i Reformës Zgjedhore do të mblidhet sërish për të dëgjuar OJQ- të që monitorojnë zgjedhjet në Shqipëri.