Ministri Bushati, vizitë në Gjermani

Lobimi në vendet kryesore të BE- së për të marrë mbështetje për hapjen e negociatave për anëtarësim me BE- në ka çuar ministrin e për Europën dhe Punët e Jashtme, Ditmir Bushati, në një vizitë pune në Republikën Federale Gjermane, si pjesë e turit të ministrit në kryeqytetet e vendeve anëtare të BE- së. Gjatë vizitës në Republikën Federale Gjermane, ministri Bushati do të zhvillojë një takim me ministrin e Shtetit për Europën, Michael Roth, të cilin do ta njohë me progresin e vendit në fushën e reformave dhe adresimin e prioriteteve kryesore, pritshmëritë tona në lidhje me avancimin e marrëdhënieve të Shqipërisë me Bashkimin Europian, në drejtim të hapjes së negociatave si dhe do të shkëmbejnë mendime rreth situatës në rajon dhe Europë. Pjesë e rëndësishme e axhendës së ministrit Bushati, do të jenë një sërë takimesh me parlamentarë gjermanë, përfaqësues të forcave të ndryshme politike në Bundestag, reporterë për Shqipërinë në Bundestag, përfshirë kryetarin e Komitetit të Politikës së Jashtme në Bundestag, Norbert Roettgen dhe kryetarin e Komitetit për Çështjet Europiane, Gunther Krichbaum.