LGBT në shkolla, Ministria: Strategji kundër diskriminimit
“Takimet për mënjanimin e stereotipave, si pasojë e orientimit seksual”
Pas dy ditë akuzash e kundërakuzash midis personave publikë e aktivistëve të LGBT- së mbi zhvillimin e orëve të hapura me gjimnazistët e Tiranës, ka ardhur edhe reagimi i Ministrisë së Arsimit. MASR flet për planin kombëtar të qeverisë për personat LGBT, ndërsa takimet janë detyrimet për zbatimin e saj. “Ministrja e Arsimit, Sportit dhe Rinisë, në zbatim të rekomandimeve, por edhe detyrimeve që burojnë nga këto strategji dhe plane veprimi, po vijon konkretizimin e këtyre nismave në bashkëpunim me organizatat joqeveritare për informimin dhe ndërgjegjësimin e mëtejshëm të target- grupeve të ndryshme”, citohet në deklaratën e nisur mediave. Fushata sensibilizuese e këtij komuniteti, sipas MASR, synon mënjanimin e stereotipave gjinorë dhe të diskriminimit, si pasojë e orientimit seksual. Për më tepër, këto takime zhvillohen nën mbikëqyrjen e disa përfaqësive: pushtetit vendor, drejtorëve si dhe mësuesve. Më herët, përfaqësues të LGBT- së kanë kërkuar ndërhyrjen e menjëhershme të Ministrisë së Arsimit, duke thënë dhe akuzuar qeverinë se ka dështuar në përmbushjen e angazhimeve të ndërmarra që nga 2016- ta, kur u miratua strategjia. “I kujtojmë Ministrisë së Arsimit se ne nuk hyjmë as natën e as vjedhurazi nëpër shkolla, por këto takime zhvillohen në kuadër të planit kombëtar të veprimit për personat LGBT në Shqipëri, strategji e miratuar nga qeveria shqiptare në qershor 2016. Qëndrimet mohuese të MASit në këtë rast tregojnë edhe njëherë se qeveria ka dështuar të përmbushë angazhimet, që vetë ka ndërmarrë që prej dy vitesh”, thuhet në deklaratën e shoqatave. Lajmi për fushatën sensibilizuese të LGBT- së mbi orientimet seksuale në shkolla prej dy ditësh