Brazil rekordesh, Spanja paqe me Gjermaninë
Argjentina mund Italinë pa Mesin, Anglia thyen Holandën. Franca humb me Kolumbinë
Brazili konfirmohet një nga kandidatët potencialë për të fituar Botërorin "Rusi 2018".
Pikërisht në miqësoren kur të zotëve të shtëpisë që do të organizojnë këtë kompeticion, kombëtarja e Tites arriti t'u fitonte 0- 3 falë një ndeshjeje spektakolare në 45 minutat e dyta. Brazili gjeti golin në pjesën e dytë falë mbrojtësit të Interit, Mirandës. Ai përfiton nga një gabim i portierit në minutën 53' dhe i vetëm përballë portës nuk mund të gabojë. Brazilianët kalojnë në avantazh dhe tani janë më të qetë për ta goditur Rusinë në momente të tjera. Paulinjo bëhet protagonist pak minuta më vonë kur fiton një penallti, e cila shndërrohet në gol nga Kutinjo. Vetëm 4 minuta më vonë, Paulinjo këtë herë shënon me kokë, pasi shërbehet nga Uillian. Brazili i Tites është në një moment spektakolar: 14 fitore në 18 ndeshje, vetëm 1 humbje.
GJERMANIA- SPANJË 1- 1
Gjermania është kënaqur me një barazim kundër Spanjës ditën e djeshme. Lëv testoi gjendjen e disa senatorëve, por nuk ngurroi t'u japë hapësirë edhe të rinjve. Golin e parë e shënuan iberikët me anë të Rodrigos që në minutën e gjashtë, ndërsa "pancerat" barazuan me Mylerin në minutën e 35- të. Ishte një paraqitje e kënaqshme nga të dyja skuadrat, që pas pak ditësh do t'i bëjnë llogaritë sërish në miqësore luksi. Gjermanët do të përballen me Brazilin, ndërsa Spanja kundër Argjentinës.
ANGLI- HOLANDË 1- 0
E ka kaluar provën e parë Anglia e Sauthgejt, e cila me një gol të shënuar nga Xhesi Lingard në minutën e 59- të, mundi Holandën e Kumanit. Në pjesën e parë, që ishte e vakët për rastet e golave, kishin zbritur në fushë disa tipa si Strotman, De Vrij dhe Hatebor, që i bënë ballë Anglisë. Në pjesën e dytë, kur Holanda bëri zëvendësime, atëherë nisi edhe të fuste ujë.