“Gjykata Kushtetuese pushoi së ekzistuari”
Deputeti i PD, Bylykbashi: Kjo, falë vetingut të Edi Ramës
Nënkryetari i Grupit Parlamentar të PD- së, Oerd Bylykbashi, ka akuzuar Kryeministrin Rama se ka vendosur të gjitha gjykatat nën kontrollin e tij, duke kërcënuar gjyqtarët me procesin e vetingut. Në një reagim pas shkarkimit të anëtarit të Gjykatës Kushtetuese, Fatos Lulo, deputeti demokrat thekson se kjo gjykatë pushoi së ekzistuari falë vetingut të Kryeministrit. “Kryeministri e ka kthyer Parlamentin në një vulë të njomë të Qeverisë. Vulos çfarë i sjell qeveria. Pra, ka rënë si pushtet që kontrollon teprimet e qeverisë. Tashmë, sistem gjyqësor nuk ka më. Gjykata e Lartë ka vetëm 8 anëtarëý, më pak se gjysma e anëtarëve. Gjykatat e niveleve më poshtë janë nën presionin e vetingut të Ramës. Goditja e fundit u bë dje. Gjykata Kushtetuese pushoi de facto së ekzistuari, falë vetingut të Ramës. Nuk dihet për sa kohë. Ka vetëm 4 anëtarë me mandat të rregullt nga 9 që është totali. ýÇdo shtetas që kërkon të gjejë të drejtën e tij kushtetuese, nuk mundet më. Madje, është e kotë të trokasë në dyert e Gjykatës Kushtetuese. Aty nuk përgjigjet më askush”, sqaron Bylykbashi. Nënkryetari i Komisionit të Ligjeve kujton se Rama, përmes një vendimi qeverie, ka pezullu- ar regjistrimin e titujve të pronësisë, vendim i cili, sipas tij, është jo vetëm i paligjshëm, por edhe antikushtetues. Ajo që e bën akoma më të rëndë këtë vendim, sipas Bylykbashit, është fakti që vendimin nuk e çon dot as në Gjykatën Kushtetuese, pasi ajo ka pushuar së ekzistuari. “Kryeministri qeveris me VKM. Sapo ka nxjerrë një vendim që pezullon regjistrimin e titujve. Të pronësisë në ZRPP. Kjo është antikushtetuese, përveçse e paligjshme. Një e drejtë e dhënë me ligj nuk pezullohet dot nga një vendim qeverie. Gjykata e Lartë në 2010- n është shprehur me vendim unifikues se titulli i pronësisë është i vlefshëm edhe kur është i paregjistruar, por nuk bëhet dot transaksion. Pra, me VKM cenohet edhe e drejta e disponimit të pronës së ligjshme që rregullohet nga Kodi Civil, një ligj që rri shumë më lart se VKM. Dhe e gjithë kjo po bëhet për të krijuar fondin e tokës në bregdet që qeveria po ua merr pronarëve, sidomos atyre që presin me vite që t’u njihet pronaý, e t’ua japë oligarkëve për të bërë hotele duke ia dhënë truallin me çmim të lirë shtetëror, sepse oligarkët nuk duan t’i paguajnë çmimin e tregut pronarëve. Po ku ta kërkosh të drejtën përballë qeverisë? Gjykatat kanë rënë si pushtet që kontrollon teprimet e qeverisë. Parlamenti është kukull. Ka vetëm veting. Vetingu është bërë si Fronti Demokratik dhe gjyqet e vetingut duken si gjyqet publike komuniste të 1945- s te kinema “17 Nëntori”. Se mos guxon njeri dhe e kundërshton ideologjinë e re, vetingun, se shpallet armik! Por gjykatat e vetingut nuk zgjidhin padrejtësitë me pronat, tatimet, doganat apo Policinë, as janë Gjykatë Kushtetuese. Dhe mos harroni: asnjë nga gjyqtarët e vetingut nuk e ka kaluar vetingun vetë”, deklaron Bylykbashi.