Shërbimi i Provës, Ministria: Ka shkelje me punësimet
Shkarkimet, përgjigjja ndaj akuzave: 29 prej tyre u larguan vetë
Ministria e Drejtësisë ka reaguar, përmes një njoftimi për mediat, në lidhje me disa shkrime të publikuara nëpër media, se ndaj punonjësve të Shërbimit të Provës po ushtrohej presion që të firmosnin shkarkimet nga detyra.
Në qendër të këtyre akuzave u vendos drejtori aktual, Engjëll Hysi, i cili është edhe bashkëshorti i deputetes së PS- së, Vasilika Hysi. Por sipas Ministrisë së Drejtësisë, shkarkimet janë kryer pasi një raport i DAP- it ka vërejtur shkelje në punësimin e 92 nëpunësve të Shërbimit të Provës. Sipas Ministrisë, 29 prej këtyre punonjësve janë larguar vetë nga detyra pa dashur të japin sqarime, ndërsa për pjesën tjetër janë krijuar mundësi që ndërprerja e marrëdhënieve të punës të kryhet sipas procedurave ligjore. “Në kuadër të verifikimit ligjor të dokument- acionit lidhur me rekrutimin dhe detyrimet kontraktuale të personelit, Drejtoria e Përgjithshme e Shërbimit të Provës ( DPSHP), në muajin shtator 2017, ka kërkuar me anë të një shkrese zyrtare kryerjen e një auditi nga ana e Departamentit të Administratës Publike. Në bazë të ligjit “Për Nëpunësin Civil”, DAP është njësia përgjegjëse për Shërbimin Civil në organet shtetërore. DPSHP ka në organikë 148 punonjës dhe aktualisht drejtohet nga z. Engjëll Hysi i emëruar në këtë detyrë nga ish- ministri i Drejtësisë, z. Gazmend Bardhi. Në raportin përfundimtar të DAP, është konstatuar se në periudhën janar 2014- gusht 2017, kohë në të cilën institucioni drejtohej nga z. Ilir Qafa, figurojnë të paguar si nëpunës të Shërbimit Civil 92 punonjës, të cilët nuk në Shërbimin e Provës janë punësuar në mënyrë të paligjshme, sipas një raporti të DAP- it, për llogari të Ministrisë së Drejtësisë. Nga këta, 63 janë në procedurën e dëgjesave, ndërsa 29 prej tyre kanë vendosur të largohen vullnetarisht nga detyra. janë rekrutuar, sipas procedurave të konkurrimit të organizuara nga DAP”, shkruan deklarata e Ministrisë së Drejtësisë. Më tej, Ministria sqaron se Shërbimi i Provës ka nisur procedurën e dëgjesave për 63 punonjës të emëruar në mënyrë të paligjshme dhe janë dëgjuar të gjitha pretendimet e tyre. Ndërsa 29 prej 92 të punësuarve me shkelje, janë larguar vullnetarisht nga detyra.