PD nxjerr dokumentet: Si e mori tokën me falsifikim deputeti i PS
Alibeaj: Rama ka firmosur të ndërtohet resort turistik në tokat e familjes Bua
Partia Demokratike ka akuzuar Kryeministrin Edi Rama si të përfshirë në skemën mafioze të grabitjes së tokave në bregdet.
Nënkryetari i Grupit Parlamentar të PD- së, Enkelejd Alibeaj, ka deklaruar se grabitja e tokës në bregdet me 11 mijë metra katrorë nga deputeti Alket Hyseni, është bërë në bashkëpunim me kreun e qeverisë Rama, i cili flet vazhdimisht për Reformën në Drejtësi. Për këtë akuzë, Alibeaj paraqiti dokumente se si janë grabitur pronat e familjes Bua në Dhërmi, në të cilën është i përfshirë deputeti i PSsë, Alket Hyseni. "I emëruar në detyrën e kryetarit të Task Forcës për të evidentuar tjetërsimin e pronave në bregdetin e Jugut, nga Vlora në Butrint, Alket Hyseni ka blerë për 230 milionë lekë pronën e tjetërsuar me dokumente të falsifikuara, duke e ditur se prona ishte në proces gjyqësor. Dokumenti vërteton se në vitin 2015, Gjykata e Vlorës i dha të drejtë familjes së zonjës Irini Bua duke vendosur pezullimin e çdo veprimi mbi pronën, vendim ky që është akoma në fuqi. Por pavarësisht këtij vendimi të gjykatës, në shtetin mafioz të Edi Ramës, transaksionet me pronën në bregdet kanë vazhduar nga falsifikuesi tek Alket Hyseni, pastaj te ndërtuesi Gon Papuli, që është një nga miqtë e ngushtë të Kryeministrit, për të shkuar më pas deri te vetë Edi Rama", sqaron Alibeaj.
AKUZA
Sipas deputetit të PD- së, Enkelejd Alibeaj, Kryeminis- tri me firmën e tij ka vendosur dy herë rresht që, në tokat në bregdet të familjes Bua të ndërtohet resort turistik. "Partia Demokratike ka dy dokumente që provojnë se Edi Rama është pjesë e skemës mafioze për grabitjen e pronave dhe shpjegojnë përse Kryeministri ka heshtur deri tani për deputetin e vet Alket Hyseni. Edi Rama, me firmën e tij, ka vendosur dy herë rresht që, në tokat në bregdet të familjes Bua, në Dhërmi, të ndërtohet resort turistik, duke mos marrë parasysh vendimin e Gjykatës për pezullimin e çdo veprimi me pronën. Dokumenti i parë tregon se Edi Rama, si kryetar i Këshillit Kombëtar të Territorit, ka firmosur lejen për zhvillimin e kompleksit turistik dhe një vit më pas ka firmosur sër- ish, për dhënien e lejes së ndërtimit në këtë kompleks për mikun e tij ndërtues Gon Papuli dhe për deputetin e tij, Alket Hyseni", thekson Alibeaj. Ky dokument për demokratët tregon qartë se kreu i qeverisë është pjesë e skemës së grabitjes së tokave në bregdet së bashku me deputetin e tij, Alket Hyseni. Deputeti demokrat i ka bërë një apel edhe drejtësisë për ndjekjen e rastit duke kujtuar se peshk më të madh se kaq nuk mund të gjejë. "Është e qartë se skema mafioze e grabitjes së tokave në breg- detin ka në krye Edi Ramën dhe për bashkëpunëtor deputetin e tij Alket Hyseni që, në kohën e dhënies së lejeve nga Edi Rama, drejtonte Zyrën Kundër Pastrimit të Parave, prej nga ka mbikëqyrur edhe transaksionet financiare të bankës së gruas së Kryeministrit. Peshk më të madh se kaq drejtësia nuk ka ku të gjejë dhe është rasti ideal për t'u dhënë shqiptarëve shpresën reale për një drejtësi jopolitike, që punon për qytetarët dhe jo për pushtetarët", deklaron Alibeaj.