Raporti për bashkëqeverisjen Rama: Zgjidhëm 4554 ankesa
“Nga Kryeministria u zgjidhën 852 ankesa, Drejtësia 1326”
Kryeministri Edi Rama publikoi dje efektet e platformës së bashkëqeverisjes me qytetarët në 5mujorin e funksionimit të saj.
Gjatë këtij 5- mujori në platformën shqipëriaqëduam. al janë zgjidhur në total nga niveli qendror 4454 ankesa, ndërsa janë në proces shqyrtimi 553 ankesa. Nga Kryeministria janë zgjidhur 852 ankesa, ndërsa në shqyrtim 235 të tilla, Ministria e Drejtësisë ka zgjidhur 1326 dhe janë në shqyrtim 120, Ministria e Arsimit, Sportit dhe Rinisë ka zgjidhur 402 ankesa dhe janë në proces 40, Ministria e Energjisë dhe Infrastrukturës ka zgjidhur 418 ankesa dhe ka në shqyrtim 51, Ministria e Financës dhe Ekonomisë ka zgjidhur 405 dhe ka në proces 42, Ministria e Shëndetësisë dhe Mbrojtjes Sociale ka zgjidhur 454 dhe ka në shqyrtim 27, Ministria e Turizmit dhe Mjedisit ka zgjidhur 193 dhe ka në proces 4, Ministria e Brendshme ka zgjidhur 214 dhe ka në proces 16, Ministria e Bujqësisë dhe Zhvillimit Rural ka zgjidhur 77 dhe ka në proces 9, Ministria e Mbrojtjes ka zgjidhur 48 dhe ka në proces 3 ankesa. Ndërsa Ministria për Europën dhe Punët e Jashtme ka zgjidhur 36 ankesa dhe ka në proces 4 të tilla, Ministria e Kulturës ka zgjidhur 24 dhe ka në proces 1 dhe Ministria e Diasporës ka zgjidhur 5 ankesa dhe ka në proces 1. Në Platformën e Bashkëqeverisjes www. shqipëriaqëduam. al është edhe rubrika “Nisma ime”, në të cilën qeveria ka realizuar 203 nisma të propozuara nga qytetarët, ndërsa janë në proces 8. Në rubrikën “Fjala ime”, në portalin shqipërinëqëduam, qytetarët japin opinionin e tyre mbi reformat a projektet që janë aktualisht në diskutim dhe çdo sugjerim, ide të re apo propozim, se si mund të përmirësohet qeverisja në tërësi apo rezultatet në një fushë të caktuar. Gjatë këtij 5- mujori në total janë përfunduar 171 ankesa dhe janë në proces 14 të tilla. Qytetarët që duan të shërbejnë në administratën publike dhe kanë nevojë për informacion të vazhdueshëm lidhur me mundësitë, apo të angazhohen si ekspertë në projekte apo punë me kohë të pjesshme në administratë i janë drejtuar rubrikës “Dua të kontribuoj”, në portalin “shqipëriaqëduam”. Në total, numri i të interesuarve është 233, ku konkretisht në Kryeministri 3, Ministrinë e Arsimit, Sportit dhe Rinisë 40, Ministrinë e Financës dhe Ekonomisë 31, Ministrinë e Drejtësisë 30, Ministrinë e Bujqësisë dhe Zhvillimit Rural 29, Ministrinë e Energjisë dhe Infrastrukturës 38, Ministrinë për Europën dhe Punët e Jashtme 35, Ministrinë e Turizmit dhe Mjedisit 13, në Ministrinë e Shëndetësisë dhe Mbrojtjes Sociale 7, në Ministrinë e Kulturës 2, në Ministrinë e Brendshme 2, në Ministrinë e Mbrojtjes 2, në Ministrinë e Shtetit për Mbrojtjen e Sipërmarrjes 1 dhe Ministrinë e Shtetit për Diasporën asnjë.