Dosjet e ‘ 95, pronarët e rinj që kompensohen

Agjencia e Pronave zgjeron listën e përfituesve të kompensimit me vendime të vitit 1995. Emrat e familjeve dhe vlerësimi financiar

Nuk e kishin emrin të afishuar në listën e parë, por tashmë ATP ka bërë gati faturën për 864 pronarë me vendime të vitit 1995.

Bëhet fjalë për listën shtesë, pra, të pronarëve që kishin aplikuar, por për arsye të ndryshme, Agjencia nuk i kishte llogaritur një vlerë financiare për kompensimin e tokës së zënë gjatë viteve të komunizmit. Gazeta e boton sot të plotë listën zyrtare me emrat e përfituesve të parë, pra, të atyre që i është zënë toka në vitet e komunizmit. Sigurisht, që sot përfitues mund të jenë edhe trashëgimtarë të pronarëve të vjetër të trojeve.

APLIKIMET

Familjet që kanë vendime përfundimtare kompensimi, të vlerësuara financiarisht dhe të publikuara nga ATP- ja, kanë të drejtë të paraqiten për të aplikuar. Ka dy mënyra: ose kompensim financiar, ose kompensim me tokë. Gjithsej, janë 23 mijë hektarë tokë bujqë- sore, 50 mijë hektarë sipërfaqe pyjore dhe 170 objekte shtetërore, të cilat do të përdoren për kompensim fizik. Ndërsa për kompensim financiar, këtë vit fondi i vënë në dispozicion është 40 milionë USD. Sipas ATP, numri total i vendimeve të viteve 1993– 1996, që kanë njohur të drejtën e kompensimit të subjekteve të shpronësuar për të gjithë territorin e Republikës së Shqipërisë dhe që janë vlerësuar financiarisht, të pub- likuar nga ATP, është 15 856 vendime. “ATP, nga hyrja në fuqi e Ligjit nr. 133/ 2015 e deri më tani, ka përfunduar vlerësimin financiar për 61 % të të gjithë vendimeve përfundimtare, që kanë njohur të drejtën e kompensimit të subjekteve të shpronësuar për të gjithë territorin e Republikës së Shqipërisë. Me ecurinë e punës së deritanishme, kjo falë edhe sistemit Web- Gis të implementuar nga ATP, ky proces parashikohet të përmbyllet përpara afatit 3- vjeçar të përcaktuar në ligj për përfundimin e vlerësimit financiar të të gjithë vendimeve përfundimtare, që kanë njohur të drejtën e kompensimit”.