“Dëbimi pa prova i diplomatëve, Shqipëria tregon sovranitetin real”
Ambasadori i Rusisë në Tiranë, Aleksandër Karpushin, ka shprehur indinjatën e tij për dëbimin e dy diplomatëve rusë, përkatësisht atasheun ushtarak dhe sekretarin e parë të ambasadës. Në një intervistë për “News 24”, ambasadori Karpushin tha dje se Shqipëria nuk është e detyruar të zbatojë vendimet e vendeve të tjera, por me pranimin pa asnjë provë tregon se është vend që nuk ka sovranitet real. Ai shprehu indinjatën për qëndrimin e Ministrisë së Jashtme shqiptare, e cila publikoi dhe emrat e diplomatëve rusë që do të dëbohen. “Në kundërshtim me praktikën e gjithëpranuar ndërkombëtare, Ministria e Jashtme e Shqipërisë i ka bërë publikë emrat e tyre. Një gjë e tillë është e palejueshme dhe na krijon një indinjatë të fortë”, tha dje ambasadori. Përgjigja e Rusisë për Karpushin do të jetë simetrike.
Zoti ambasador, ju i mohoni akuzat për përfshirje në helmimin e ish- agjentit rus, por a keni hetuar mbi këtë ngjarje dhe cilat janë informacionet tuaja?
Ministri i Punëve të Jashtme i Shqipërisë, Ditmir Bushati, theksoi dje në një intervistë që vendimi i NATO- s për dëbimin masiv të diplomatëve rusë është marrë sipas “provave paraprake”. Me fjalë të tjera, e vërteta e kësaj çështjeje ende nuk është zbuluar dhe na vjen mirë që Ministria e Jashtme e Shqipërisë e pranon këtë gjë.
Vendet e NATO- s në bllok morën vendim të dëbojnë diplomatët rusë nga misionet diplomatike. A mendoni se është fillimi i një reagimi të ashpër të bllokut ndaj Rusisë dhe a druheni se kjo do përshkallëzohet?
Ato kundërmasa që do të ndërmerren nga pala ruse nuk mund të cilësohen si kërcënim, do të ndërmerren në bazë të parimit të reciprocitetit. Është një praktikë normale diplomatike dhe përgjigja jonë ndaj dëbimit të diplomatëve tanë do të jetë simetrike.
Ministria e Jashtme ruse tha se do u përgjigjet veprimeve të tilla. Është ky një kërcënim? Çfarë përgjigje do jepni?
Duhet theksuar se mbështetja e dëbimit masiv të diplomatëve rusë nuk ka qenë e detyrueshme për asnjë vend dhe as për Shqipërinë. Për ne mbështetja ose jo e këtij vendimi, në radhë të parë është indikator i qasjes objektive dhe gjykimit të shëndoshë të një vendi apo të një tjetri, po edhe të sovranitetit real të këtyre vendeve. Siç jeni në dijeni, më 20 mars Ministria e Jashtme e Shqipërisë lëshoi një deklaratë, në të cilën, pa pasur asnjë provë, e akuzoi Rusinë për një “sulm kimik” të zhvilluar kundër Britanisë së Madhe. Ndërsa tani, pala shqiptare dëbon dy diplomatët tanë. Madje, në kundërshtim me praktikën e gjithëpranuar ndërkombëtare, Ministria e Jashtme e Shqipërisë i ka bërë publikë emrat e tyre. Një gjë e tillë është e palejueshme dhe na krijon një indinjatë të fortë. Shpresojmë të dëgjojmë një shpjegim zyrtar të MEPJ- së lidhur me këtë veprim.
Te qëndrimet e çdo shteti lidhur me dëbimin ose jo të diplomatëve tuaj, shihni edhe aleancat reale? ( Greqia, Turqia, Qipro) nuk i larguan diplomatët?
Pra, kemi dy qasje diametralisht të kundërta: një pjesë e vendeve nuk kanë nevojë për asnjë provë për ta akuzuar Rusinë, ndërsa një pjesë tjetër mendojnë se është e papranueshme të veprosh pa asnjë provë në dorë. Shqipëria i përket grupit të parë dhe kjo është zgjedhja e saj. Për fat të keq, kjo besoj se do të dëmtojë marrëdhëniet tona dypalëshe dhe do të ngadalësojë ecurinë e tyre në të ardhmen.