Nga 1 prilli nisin dy taksa, zbardhet debati mes Ahmetajt e deputetëve të PD
Ministri: Nuk ka kosto shtesë nga TVSH- ja për biznesin e vogël. Tabaku: Biznesi shkon në mbijetesë, i ulen fitimet
MIJE biznese të tjera do të përfshihen në skemën e deklarimit të TVSH- së nga 1 prilli, pas uljes së pragut të xhiros nga 5 milionë, në 2 milionë lekë
Ulja e pragut të TVSH- së nga 5 milionë në 2 milionë lekë, do të përfshijë në skemë për herë të parë 10 mijë biznese.
Ministri i Financave Ahmetaj sqaroi se futja në skemë nis nga 1 prill 2018- të, deklarimi i parë do të bëhet më 20 korrik 2018- të. Opozita, në Komisionin e Ekonomisë, kërkoi që qeveria ta rimendojë edhe një herë vendimin për uljen e pragut të TVSh- së. Nënkryetarja e Komisionit të Ekonomisë, Jorida Tabaku, tha se biznesi i vogël deklaron se do të ketë rritje të kostove dhe rënie të fitimeve nga skema e TVSH- së. “Biznesi i vogël e ka të pamundur të plotësojë vetë formularin, sepse të gjithë më janë shprehur se janë duke marrë një kontabilist dhe kjo do të sjellë shpenzime deri në 50 mijë lekë të rinj. Vetëm shpenzimet administrative ndikojnë te biznesi për të ulur marzhin e fitimit nga 23 për qind që e kanë në 26 për qind, që është në marzhin e mbijetesës, sepse po flasim për biznese me xhiro 2 milionë lekë”, u shpreh Tabaku. Ministri i Financave dhe Ekonomisë, Arben Ahmetaj, tha se skema e TVSH- së nuk rrit kostot administrative të biznesit dhe çmimet për qytetarët. “Ajo që dua të theksoj është se kostoja administrative do të jetë “0” , çmimet nuk do të lëvizin dhe kush e shet si “taksë e re”, e bën ose me qëllime politike për të dezinformuar, ose nga padija, si të duan le ta zgjedhin. Kudo që blihet kjo shishe uji, te dyqani i vogël i lagjes apo në një supermarket, brenda strukturës së çmimit sot ka TVSH- në. Kush e kundërshton është duke blerë jo te dyqani i lagjes, as supermarketi, por diku tjetër që nuk është në sistemin tatimor”, u shpreh Ahmetaj. Deputetët e opozitës debatuan edhe për taksën e pronës. Deputetja e Partisë Demokratike, Jorida Tabaku, tha se taksa rritet për 90 për qind të qytetarëve. “Është e qartë që taksa e pronës është rritur të paktën 2- 4 herë në vlerë, siç reflekto-