Rruga e Kombit, Policia ngre strukturë të posaçme
Kompania e mirëmbajtjes i dhuron 8 automjete “Mercedez”
Autostrada që lidh Shqipërinë me Kosovën tashmë do të patrullohet nga një strukturë e posaçme me punonjës të Policisë Rrugore, që do të ketë në përbërje 27 efektivë. Kjo strukturë është ngritur pas një marrëveshjeje që Ministria e Brendshme ka nënshkruar me kompaninë koncensionare të mirëmbajtjes së kësaj rruge. Sipas kontratës së bashkëpunimit, kompania i ka vënë në dispozicion Policisë së Shtetit 8 automjete “Merdedez Benz”, fuoristrada dhe autovetura, ndërsa është rënë dakord edhe për një objekt në këtë rrugë, që do të shërbejë si stacion njësisë së Policisë. Burime nga Policia e Shtetit thanë se në krye të kësaj strukture që EFEKTIVE të Policisë Rrugore dhe 8 automjete ka në përbërje struktura e posaçme, e ngritur për patrullime në Rrugën e Kombit do të funksionojë me tri turne, është emëruar Luan Shehaj, i cili aktualisht është specialist i Policisë Rrugore, në Drejtorinë e Përgjithshme të Policisë. Të njëjtat burime thanë se Rruga e Kombit, duke nisur nga Miloti deri në Pikën e Kalimit Kufitar të Morinës, do të monitorohet nga njësia e posaçme e Policisë Rrugore, e përbërë nga 27 efektivë dhe 3 komandantë. Përveç 8 automjeteve “Mercedez Benz”, prodhime të vitit 2016, kompania koncensionare e mirëmbajtjes së autostradës, ka vënë në dispozicion të Policisë edhe karburantin dhe objektin që do të shërbejë si stacion policor. Mësohet se marrëveshja mes Ministrisë së Brendshme dhe kompanisë është nënshkruar me qëllim për të pasur një shërbim cilësor në këtë rrugë. Mjetet që do të përdoren nga kjo strukturë, janë zgjedhur të tilla për të qenë sa më efi- ciente në raste aksidentesh apo problematikash që shërbimet e Policisë do të konstatojnë në këtë rrugë dhe që ndërhyrja të jetë më e shpejtë për të normalizuar qarkullimin e mjeteve. Struktura që do të drejtohet nga Luan Shehaj, do të jetë në varësi të Drejtorisë së Përgjithshme të Policisë. Struktura është e ngjashme me atë që u ngrit rreth dy vite më parë në juglindje të vendit, që shërbeu për shoqërimin e makinave të tonazhit të rëndë, që transportonin tubacionet dhe materialet e TAP- it.