Ahmetaj: Po ngrini tezën e ndarjes Veri- Jug
Ministri: Një populizëm i rrezikshëm në dëm të kombit
shoh sa herë që merr fjalën, por është mirë që t’i ripërsëris për shqiptarët.
Lulzim Basha: Shiko, kjo gropa ku ke rënë, qenka pak si hinkë, sa herë ke dalë këtu, zhytesh më thellë. E para e punës, ti i ke zgjedhur miqtë e tu, nuk jam unë miku yt. Miku yt është Shullazi, janë Habilajt, është Klement Balilaj, etj., etj., disa i ke pasur këtu, nuk i ke më këtu me Armando, me Benin e me të gjithë. Ata janë miqtë e tu, disa të kanë ikur nga kjo sallë, ata janë miqtë e tu. Hajde, të hetojmë pak për oligarkët rusë. Unë jam i hapur që të bëjmë një hetim parlamentar që ta çojmë më pas në Prokurori. Hajde të hetojmë pak dhe po gjete një cent apo një kontakt të PD- së direkt apo indirekt me oligarkët rusë, por, asnjë, asnjë... Por unë po të them, që në qoftë se Prokuroria nuk do të ishte e kontrolluar nga ty, sot do të duhej të ishte hapur hetimi për një ministër tënd që krekoset aty, i cili ka nisur banditë në emër të Juremeksit dhe Rusisë një investitori shqiptaro- amerikan.
Edi Rama: Këtu je vetëm përballë shqiptarëve dhe nuk i ikën dot kësaj, duke thënë të bëjmë një komision parlamentar dhe të hetojmë ABI Bank, investimin më të madh amerikan në Sh- qipëri, se i bie pastaj që të bësh për budalla të gjithë planetin. Ty të gënjejnë Lulzim, të thonë 7x7 bëjnë 42. A e kanë nga budallallëku ose duan të të heqin qafe ty, këtë gjë duhet ta gjesh ti. Për më tepër, kur fillojnë ato kërcënimet, “shiko se do ngrihen këta dhe do ngrihen ata”. Kjo e ngritjes është “thirri, thirri të të ngrihet, ai i shkreti kokulur s’të përgjigjet dot”. Është poezi që e di doktori. Pyeteni doktorin, se e di mirë ai.
Lulzim Basha: Mos ik, mos ik, ( i drejtohet Ramës që po ikte nga Kuvendi), se ai ( Arben Ahmetaj) duhet të kishte shkruar ty, se ti prapë e ngatërrove. Prapë e ngatërrove, i shkreti ti, se matematikën për herë të fundit e ke bërë në klasë të tetë, s’ke faj.
Edi Rama: Të thashë, mos ik nga unë... Po ti ike dhe tani bëhesh xheloz për ministrin.
Sali Berisha: Nuk ka fatkeqësi më të madhe se ti përgjigjesh një njeriu ( Ahmetaj), që në mënyrën më qesharake, vajzat dhe gratë e ministrisë e thërrasin “tigri”, se përndryshe pësojnë shqetësime nga ai.
Arben Ahmetaj: E, mos u bëj xheloz. Më mirë “tigri”, sesa “lepuri”...