“DIPLOMATET RUSE KALUAN CAKUN”
Ministri për Europën dhe Punët e Jashtme, Ditmir Bushati, konfirmoi dje shtyrjen e vizitës së Kryeministrit grek, Aleksis Tsipras, në Tiranë.
I ftuar në edicionin kryesor të lajmeve në Ora news me gazetaren Ilva Tare, Bushati tha se vonesat në hartimin e marrëveshjes çuan në shtyrjen e vizitës. “Natyrisht ne sot kemi diskutuar dhe për vizitën e pritshme të Kryeministrit grek në Shqipëri. Për shkak të një lloj vonese nga pikëpamja e bisedimeve me Greqinë, kjo vizitë do të riplanifikohet për një periudhë të mëvonshme. Ishte planifikuar fillimisht të ndodhte në pranverë. Tani besojmë se do kryhet brenda këtij viti dhe ne besojmë që janë mundësitë që kjo vizitë të kryhet brenda verës”, tha Bushati. Ministri i Jashtëm grek, Nikos Kotzias, ishte dje në Tiranë ku të dy palët zhvilluan takimin e fundit para nisjes nga puna të grupeve që kanë marrë tashmë plotfuqishmërinë nga ministrat e Jashtëm. Bushati rrëfeu dhe temat e diskutuara gjatë takimit tri orësh me homologun Kotzias dhe delegacionin e tij. “Morëm në shqyrtim progresin e rritur në kuadër të mekanizmit të dialogut dypalësh që ka dy vite e pak që funksion. Siç dihet, janë bërë disa hapa përpara në fushën e rishikimit të tekstit shkollor, në heqjen e aplikimit të vulës apostile, çka ka një impakt të prekshëm për qytetarët shqiptarë që jetojnë në Greqi dhe në fushën e gërmimeve që po bëhen për dëmet greke gjatë luftës italo- greke”, tha Bushati. Sipas tij, hapi i parë nga ana e qeverisë greke është njohja e lejeve shqiptare të drejtimit të automjeteve. “Nga ana tjetër, morëm në diskutim dhe disa prej hapave që do hedhim ditët në vijim, përfundimin e marrëveshjes për njohjen e ndërsjellë të lejeve të drejtimit të automjeteve, çka besoj unë që do të çlirojë energji pozitive dhe do ketë një efekt praktik për shtetasit shqiptarë dhe grekë. Në diskutimet që do të bëhen, kemi një teknikë pas autorizimit që kam marrë nga Presidenti i Republikës rreth plotfuqishmërisë që ka lëshuar për çështjen e kufizimit të zonave detare”, tha Bushati.
DOKUMENTI Ministri i Jashtëm tha se të dyja ministritë janë duke përgatitur marrëveshjen e re të Partneritetit Strategjik që do të firmoset nga dy kryeministrat. “Diskutuam gjithashtu për të gjithë çështjet që përm- ban paketa, e cila në gjykimin tonë dhe të palës greke do të duhet të konkludohet me një dokument të karakterit strategjik që mund të konsiderohet si një deklaratë e partneritetit strategjik që merr në konsideratë të gjitha zhvillimet në këtë fushë, arritjet dhe krijon mundësinë për të na ofruar një perspektivë më strategjike të marrëdhënieve ndërmjet Shqipërisë dhe Greqisë”, tha Bushati. Sipas tij, tashmë që grupet e punës janë ngritur dhe janë marrë autorizimet nga presidentët, puna do të fillojë pas pashkëve ortodokse. “Është thjesht çështje ditësh. Duke qenë se po i afrohemi periudhës së Pashkëve, është thjesht çështje ditësh dhe kemi punuar për një kalendar se kur dhe ku do të mblidhen apo ku do zhvillohen takimet. Natyrisht, në Shqipëri dhe në Gre- Edhe pse dëbimi i dy diplomatëve rusë ishte i koordinuar me SHBA- në dhe vendet e BEsë anëtare të NATO- s, për ministrin Bushati, ata kishin tejkaluar kufirin e detyrës diplomatike. Ka qenë një vendim apo veprim i koordinuar me një maxhorancë të vendeve anëtare në NATO dhe BE. Shqipëria është e njohur për qartësinë e saj në orientimin e politikës së jashtme në përputhje me vlerat që mëshirojnë NATO dhe BE. Nuk ka qenë një qëndrim thjesht dhe vetëm i Shqipërisë dhe për t’iu përgjigjur edhe më drejtpërdrejt pyetjes suaj, kombinohen të dy elementët. Sinkronizimi me aleatët e Aleancës së Veriut dhe me partnerët tanë në BE dhe fakti që edhe në përputhje me veprimtarinë dhe ndërveprimin me anëtarë të ndryshëm të Aleancës, rezulton që aktiviteti i dy diplomatëve në fjalë shkon përtej cakut të diplomatit”, tha ministri i Jashtëm, Ditmir Bushati. qi dhe mbi bazën e një praktike reciprociteti siç ndodh në raste të tilla”, tha Bushati. Duke folur për metodologjinë që do ndiqet për përcaktimin e kufirit detar, ministri i Jashtëm tha se parimi i baraslargësisë nuk është i mjaftueshëm. “Mbase do të jetë diskutim teknik për opinionin publik, por ia vlen të theksohet që në rastin e një marrëveshjeje të mundshme të re me Greqinë, aplikimi i vetëm parimit të baraslargësisë nuk është domosdoshmërish ndihmues për relievin gjeografik që ka Shqipëria dhe Greqia. Gjykata Kushtetuese, bazuar në parimet e së drejtës ndërkombëtare, ka nënvizuar gjithashtu edhe domosdoshmërinë e aplikimit të parimeve të tjera, sidomos në ato zona që konsiderohen me një reliev gjeografik të diskutueshëm për palët dhe kjo është një nga arsyet që na shtyjnë të besojmë që marrëveshje e re të jetë më e ndershme për të dyja palët”, tha Bushati.