Bylykbashi: Si po u merret toka pronarëve me ligjin për investimet strategjike
Nënkryetari i grupit parlamentar të PD, Oerd Bylykbashi ka ngritur shqetësimin për grabitjen e tokës së pronarëve nga qeveria përmes ligjit për investimet strategjike.
Në 1945- n përdorën pushkët, sot po përdorin ligjin për investimet strategjike kundër pronarëve. Në vitin 2008, në detyrën e drejtorit të Departamentit të Antikorrupsionit në Kryeministri, konstatova qindra tapi të lëshuara me ligjin 7501 në tokë ranore, në breg të detit në Gjirin e Lalzit. Tapitë ishin lëshuar nga qeveritarët socialistë në qark dhe kryetarët e komunave. Me urdhër të Kryeministrit Berisha kërkova shfuqizimin e menjëhershëm të të gjitha tapive, sepse ishin akte absolutisht të pavlefshme dhe toka të rikthehej pronë shtetërore. Ai raport është në arkivin e Kryeministrisë. Ajo që konstatuam ishte ýse persona të lidhur me pushtetin socialist 1997- 2005, që sot janë miq të Kryeministrit Rama, kishin blerë për pak lekë prona nga këto parcela. Ata u turrën në gjykatë të mbronin pronat që kishin blerë mbi bazën e tapive të jashtëligjshme të 7501- it. Abuzimi me tokat ranore dhe pa fryt në breg të detit, është fenomen që duhet luftuar siç e luftuam sa mundëm. Për këtë, qeveria Berisha miratoi ligj për verifikim të titujve të 7501- it. ýPër fat të keq, kryetarë komunash pa dallim politik kanë vazhduar të lëshojnë tapi false. Ish- kryetari socialist i komunës së Ishmit sot është në ndjekje penale. Shembuj të tillë ka plot dhe askush nuk duhet t’i shpëtojë ligjit. Titujt e paligjshëm të pronësisë, të marrë me ligjin 7501 dhe ndërmarrjet bujqësore, duhen shfuqizuar dhe prona t’i jepet pronarëve të vjetër që presin mes mijëra dosjeve të pashqyrtuara. Por procedura duhet bërë me ligj dhe jo me VKM dhe Task- Forca. Pronarët e vjetër kanë prioritet! Tokat e çliruara nga grabitja duhet t’i kthehen fondit të Agjencisë për Trajtimin e Pronaveý. Janë qindra e mijëra pronarë që kanë paraqitur kërkesë për njohjen e pronës në bregdet e gjetkë. Më parë u kthehet prona atyre e më pas atë që mbetet, shteti mund t’ua shesë oligarkëve që duan të investojnë milionat e tyre në turizëm. Oligarkët t’ua blejnë pronën pronarëve të vjetër, jo t’ia marrin shtetit me 1 euro. Investimi strategjik nuk është interes publik që të justifikojë shpronësimin për interes publik. Është thjesht interes privat i madh. Kush ýinveston dhjetëra miliona euro e bën që të fitojë miliona të tjera dhe kjo nuk ka asgjë të keqe. Por nuk ka pse pronarët të rishpronësohen duke mos ua dhënë më kurrë pronën që oligarkët të kursejnë para. Ka pesë vjet që Agjencia e Pronave ýnuk ka marrë asnjë vendim për kthim prone, nën parullën e reformës. Sot po del qartë që reforma e pronës do të thotë që prona do t’i grabitet pronarit dhe do t’i jepet miqve dhe deputetëve të Kryeministrit, siç ua kanë grabitur në Dhërmi ku janë bërë bashkë, deputeti që tjetërson pronë pronari, Kryeministri i tij që jep leje ndërtimi dhe miku strategjik i Kryeministrit që investon. Dikur, komunistët pronën e pronarëve e grabitën me grykën e armëve dhe dhunën e shtetit. Sot, bijtë e tyre, po përdorin paratë e drogës, korrupsionit, ligjin për investime strategjike dhe Kodin Civil që t’ua marrin përfundimisht dhe përjetësisht pronën ish- pronarëve. Mos u lodhni kot të mendoni për gjykatat. Gjykata Kushtetuese ka vdekur, Gjykata e Lartë po jep shpirtý. Strasburgu është larg shumë. Keni vetëm Kryeministrin që po ju merr pronat nën sloganin e reformës.