“Masakrohet” Skënderbeu, UEFA e pezullon 10 vite
Gjoba 1 milion euro duhet të shlyhet brenda 9 ditëve
Skënderbeu ka marrë dje një goditje të fuqishme nga UEFA, pasi Komisioni i Etikës dhe Disiplinës pranë këtij institucioni ka vendosur që ta përjashtojë skuadrën korçare në 10 vitet e ardhshme nga të gjitha veprimtaritë që organizon qeveria europiane e futbollit.
Ky vendim është marrë pas dosjes së përpiluar nga UEFA për mbi 50 ndeshje të trukuara ndër vite. Përpos përjashtimit nga Kupat e Europës, Skënderbeu është gjobitur edhe me një shumë të majme, 1 milion euro. Madje, klubit korçar i është vënë edhe një limit kohor për të paguar gjobën, që ka të bëjë me 90 ditë nga dita e komunikimit të vendimit. Ajo që bie në sy në këtë vendim është se Komisioni i Etikës dhe Disiplinës ka vendosur të njëjtën masë, që kishin propozuar më herët dy inspektorët e këtij institucioni, për ndeshje të dyshuara si të trukuara nga Skënderbeu. Karl Dhont nga Belgjika dhe spanjolli Migel Lietard Fernendez Palacios ishin dy ekspertët, që u morën me përpilimin e dosjes dhe dolën në vendimin e konfirmuar së fundmi nga UEFA. Ky vendim mësohet se është marrë më 21 mars, që klubi korçar e publikoi këtë seancë thjesht si dëgjimore dhe ballafaquese. Por realisht në përfundim të kësaj seance, Komisioni i Etikës dhe Disiplinës në UEFA ka konfirmuar dënimin që kishin kërkuar në herët dy inspek- torët që ishin marrë me çështjen. Ky komision e ka zbardhur vendimin e detajuar dhe ia ka përcjellë të plotë Skënderbeut dhe FSHF- së. Në fund të vendimit sqarohet se Skënderbeu ka të drejtën e apelimit brenda 3 ditësh. Ndërsa brenda 5 ditësh duhet ta argumentojë me shkrim qëllimin e apelit me gjithë detajet e parashikuara. Korçarët informohen edhe për shumën që duhet të paguajnë për depozitimin e kërkesës së apelimit, që është 1 mijë euro. JA VENDIMI I PLOTË - Komisioni i Kontrollit, Etikës dhe Disiplinës vendosi:
1. Të përjashtojë Skënderbe- un nga pjesëmarrja në kompeticionet e UEFA- s për dhjetë ( 10) vitet e ardhshme.
2. Ta gjobisë KS Skënderbeun me 1 milion euro.
3. Shifra e sipërpërmendur duhet të paguhet në llogarinë bankare të mëposhtme, brenda 90 ditëve nga komunikimi i këtij vendimi.
Ky vendim mund të apelohet, sipas Nenit 60.
- Një deklaratë me qëllimin për të apeluar kundër vendimit të Komisionit të Etikës dhe Disiplinës duhet të dorëzohet e shkruar në administratën e UEFA- s me shkrim, për vëmendjen e Organit të Ankesave, brenda tri ditëve nga njoftimi i vendimit përkatës. Brenda pesë ditëve nga koha e afatit të deklarimit të qëllimit të apelimit, ankesa duhet të paraqes, me shkrim: arsyet për ankesë, të cilat duhet të përmbajnë një kërkesë ligjore, një raport me akte, dëshmi, listën e dëshmitarëve të propozuar ( me një përmbledhje të shkurtër të dëshmisë së ngritur) dhe konkluzionet e ankuesit ( në veçanti, nëse duhet të merren me procedurën e ankesës, me gojë, ose me shkrim) ( Neni 60( 3) DR).
- Tarifa e ankimit është 1.000 €, e pagueshme me paraqitjen e arsyeve për ankesë.