"LIRONI 23 PERSONAT E GRABITUR"

Opozita do të nisë nga kjo e enjte vënien në zbatim të skenarit të mosbindjes civile.

Gjatë mbledhjeve që ka zhvilluar me deputetët e grupit parlamentar dhe krerët e degëve në rrethe, Basha njoftoi se ditën e enjte, ndërkohë që maxhoranca do të kërkojë të zhvillojë një seancë normale parlamentare, opozita do të jetë në rrugë. Sipas udhëzimeve të dhëna në mbledhjet me dyert të mbyllura, të enjten do të bllokohen disa nga akset kryesore të vendit. Burime nga mbledhjet e zhvilluara nga Basha me deputetët dhe kryetarët e PD- së në rrethe sqarojnë se të enjten, për më shumë se 3 orë, do të bllokohen rrugët nacionale në Tiranë, Vorë, Lushnje, Elbasan, Korçë dhe Lezhë. Të njëjtat burime konfirmojnë se për të gjitha këto organizime, PD- ja nuk do të kërkojë leje nga Policia e Shtetit, pasi sipas opozitës, besueshmëria e forcave të rendit ka rënë. Thirrjen për mosbindje civile e ka bërë edhe kreu i PD- së, Basha, në përfundim të takimit me deputetët e Tiranës dhe kryetarët e degëve në kryeqytet.

KËRKESA

Basha u bëri thirrje qytetarëve të mos paguajnë taksa dhe të shprehin zemërimin e tij kundër qeverisë. Sipas kreut të PD- së, qeveria nuk do të bëjë asgjë përballë zemërimit qytetar, pasi nuk mundet ta arrestojë të gjithë popullin siç bëri me 23 kuksianët në Rrugën e Kombit. "Kam bërë thirrjen e djeshme për mosbindje qytetare, që do të thotë refuzim i padrejtësisë, refuzim i grabitjes. Po, do të thotë të mos paguajnë taksat e rritura. Është një thirrje ndaj sipërmarrjeve të vogla të mos e paguajnë TVSH- në sepse këto taksa nuk shkojnë për qytetarët. Këto taksa vidhen dhe shpërdorohen nga Edi Rama dhe banda në pushtet. Ndaj e përsëris këtë thirrje: Mos paguani taksat. Nuk ka çfarë t'u bëjë. Nuk arreston dot të gjithë popullin. Kjo është rruga për t'ju kundërvënë grabitjes së dyfishtë dhe padrejtësisë së dyfishtë. Dhe në këtë Basha i bëri thirrje Kryeministrit të tërheqë policinë nga Kukësi dhe të lirojë 23 personat e grabitur gjatë mbrëmjes të së shtunës. "Thirrja që unë i drejtoj është që të tërheqë menjëherë policinë nga Kukësi. Të lirojë të 23 personat e grabitur në mes të natës. Të arrestojë Saimir Tahirin. Të arrestojë Fatmir Xhafajn, vëllanë e vet që është i dënuar për drogë dhe vazhdon të jetë një ndër bosët kryesorë të drogës në Vlorë. Të arrestojë Balilin, të arrestojë Habilajt", tha Basha. rrugë dhe në çdo veprim që qytetarët do të ndërmarrin, opozita do të jetë tërësisht dhe në të gjitha format dhe mënyrat në krahun e tyre siç jemi sot në krahun e qytetarëve kuksianë, siç jemi sot në krahun e atyre 23 të arrestuarve që protestuan për fëmijët e tyre dhe për mbijetesën e tyre, që duhet të lirohen menjëherë", tha Basha. Kreu i PD- së kujtoi se me taksën e vendosur në rrugën e Kombit, Rama zgjedh të grabisë në mënyrë të dyfishtë shqiptarët, pasi paratë për mirëmbajtjen e rrugëve i merr përmes taksës së qarkullimit. "Rama i grabit dyfish shqiptarët dhe pastaj u bie dyfish me kërbaç dhe reagimi i tyre në Kukës dhe reagimi i tyre

Takimi organizativ mes deputetëve dhe kryetarëve të degëve të PD- së në Tiranë, për protestën që do të zhvillohet në akset kryesore të vendit ditën e enjte është shoqëruar me incidente të forta. Burime të "Panorama" bëjnë me dije se gjatë diskutimeve në lidhje me pjesëmarrjen e protestuesve në këto ditë përpara Drejtorisë së Përgjithshme të Policisë në Tiranë, por edhe në protestat që do të zhvillohen të enjten, deputeti Gent Strazimiri dhe kryebashkiaku i Kamzës, njëkohësisht kryetari i PD- së në këtë zonë, Xhelal Mziu, kanë pasur debate të forta të cilat kanë përfunduar deri në përplasje fizike. Të njëjtat burime nga takimi i zhvilluar me dyer të mbyllura sqarojnë se shkak për këtë përplasje mes Strazimirit dhe Mziut ka qenë pjesëmarrja e ulët e qytetarëve të Kamzës në këto organizime. Strazimiri ka dhënë udhëzime për mënyrën se si do të ndahen protestuesit në Vorë dhe Kamëz dhe ka kërkuar nga Mziu të sjellë më shumë përfaqësues në protesta, pasi drejton një bashki të djathtë. Ky koment nuk është pritur mirë nga kryebashkiaku i Kamzës, i cili mësohet të ketë debatuar me tone të ashpra dhe t'i jetë afruar deputetit Strazimiri për ta goditur. "Ne kemi sjellë dhe do të sjellim njerëz. Po t'i, çfarë bën ti? Për çfarë je këtu? A ke njerëz ti? Sjell njerëz në protesta ti? Pse nuk të vjen njeri ty?", mësohet të ketë deklaruar Mziu dhe të jetë afruar pranë deputetit të PD- së. Është dashur ndërhyrja e kryetarit të PDsë, Lulzim Basha, që përplasja mes dy përfaqësuesve të lartë në PD të mos precipitojë në përplasje të fortë fizike. Basha ka kërkuar nga Strazimiri dhe Mziu të mbajnë përgjegjësi për qëndrimet e tyre, duke kujtuar se sjellje të tilla dëmtojnë rëndë aksionin opozitar. Përplasja mes Strazimirit dhe Mziut mësohet të jetë e hershme, që nga koha kur deputeti i PD- së u caktua si i deleguar i Bashës për Bashkinë e Kamzës. Mziu ka qenë i pakënaqur nga sugjerimet dhe qëndrimet e mbajtura nga Strazimiri në selinë blu pas procesit të analizës, situatë që u reflektua edhe në mbledhjen e djeshme, që Basha zhvilloi me kryetarët e PD- së në Tiranë. PD ka vendosur që ditën e enjte të kalojë në masën ekstreme të mosbindjes civile, duke bllokuar disa nga akset kryesore të vendit. në mbarë Shqipërinë është reagim kundër padrejtësisë dhe grabitjes. Merr 200 milionë euro në vit nga taksat e shqiptarëve për mirëmbajtjen e rrugëve, nuk shpenzon asnjë cent nga këto lekë për Rrugën e Kombit, por vendos taksë të re të papërballueshme. Nuk shpenzon asnjë cent nga këto 800 milionë euro, që ka mbledhur në këto 5 vite dhe taksën e qarkullimit që e ka rritur për mirëmbajtjen e rrugëve, por i jep ato me koncesion, pra, u vendos taksë të dyfishtë shqiptarëve. Ata që u çuan janë njerëzit më të varfër, më të shpërfillur, më të braktisurit e Shqipërisë ndër vite, ata u çuan për bukën e gojës", deklaroi kreu i PD- së.