Trump: Askush s’u tregua më i ashpër se unë me Rusinë
Takimi me liderët baltikë, pas rritjes së tensioneve SHBA- Rusi
Presidenti amerikan, Donald Trump, deklaroi se askush nuk ka qenë më i ashpër ndaj Rusisë se ai vetë, gjatë një takimi me krerët e vendeve baltike. Presidentët e Estonisë, Letonisë dhe Lituanisë u pritën nga Presidenti Trump në Shtëpinë e Bardhë të martën. Deklarata për qëndrimin e ashpër të presidentit ndaj Rusisë vjen pasi rritjes së tensioneve ruso- amerikane gjatë javëve të fundit. Presidenti amerikan tha se ai e mbështet ende idenë se marrëdhëniet e mira mes SHBAsë dhe Rusisë janë një e mirë, por shtoi gjithashtu se do të merrte kohë për të kuptuar se në çfarë faze ishin këto marrëdhënie. “Mirëkuptimi me Rusinë është një gjë e mirë, jo një gjë e keqe. Ndoshta ne do të merremi vesh, ndoshta jo. Ka mundësi që askush nuk ka qenë më i ashpër ndaj Rusisë sesa Donald Trump. Dhe nëse shikoni fuqinë tonë ushtarake tani, ndoshta nuk do të ishte kështu nëse kundërshtari do të kishte fituar ...”, tha Trump duke bërë kështu edhe një paralajmërim rasti. I pyetur nga një gazetar nëse Presidenti rus, Vladimir Putin, është “një mik apo një armik”, Trump u përgjigj: “Do ta zbulojmë. Do t’jua bëj të ditur. Do të vijë koha kur do t’jua bëj të ditur. Do ta mësoni shumë shpejt”, tha ai. Presidenti estonez, Kersti Kaljulaid, Presidenti letonez, Rai- monds Vçjonis dhe Presidentja e Lituanisë, Dalia Grybauskaitë, do të bashkohen me Trump- in për një konferencë të përbashkët të shtypit në Shtëpinë e Bardhë. Trump nuk ka pasur një konferencë shtypi zyrtare për më shumë se një vit dhe me këtë rast mund të përballet edhe me pyetje, të cilat për gjithë këtë kohë i ka evituar. Zyrtarët e Sh- tëpisë së Bardhë thanë se takimi në Shtëpinë e Bardhë do të përqendrohet në forcimin e lidhjeve midis katër vendeve, veçanërisht në çështjet e sigurisë, biznesit dhe tregtisë. Por Rusia dhe përpjekjet për të konsoliduar pushtetin në rajon mund të jetë tema kryesore e bisedimeve. Rusia është diskutimi më i madh në administratën Trump për pjesën më të madhe të kohës së tij në detyrë, kjo për shkak edhe të hetimeve për ndërhyrjen ruse në zgjedhjet e vitit 2016- të dhe bashkëpunim midis Trump- it dhe rusëve.