Mrekulli e Ronaldos, Juve kapitullon në Torino
Bajerni përmbys Sevijën, Sarabia mban gjallë shpresat
Super sfidë, histori dhe… gol. Pa u futur mirë në atmosferën e takimit në Torino, është Kristiano Ronaldo që vendos diktatin.
Një pasim i Toni Kros mjafton për portugezin që të mund të shkruajë edhe një herë emrin në librin e historisë. Festa nis dhe Reali starton në mënyrën më të mirë. Ritmi i madrilëneve është hera- herës i paarritshëm nga italianët, mirëpo Dibala dhe më pas Khedira, mund të kishin baraspeshuar sfidën. Në momentin më të mirë të bardhezinjve, është Toni Kros që kujton edhe një herë kush dikton: Gjuajtje nga distanca, por Bufonin e shpëton… traversa. Pjesa e parë përfundon me rezultat minimal, por me Juventusin që merr dy të verdhë: Bentakur 27' dhe Dibala 45'. Në startin e të dytës ndodh mrekullia. Një krosim në lartësi bën që portugezi të fluturojë. Jo si gjithmonë me një goditje me kokë, por rrotullim në ajër dhe gjuajtje e plotë. Një roveshatë perfekte mrekullon të pranishmit e "Allianz Stadium". Vërshëllimat deri në minutën e 64- t u rikthyen në duartrokitje. Vendësit përshëndesin eurogolin e Ronaldos dhe ka një përshëndetje nga fusha edhe prej sulmuesit madrilen. Juventus bie moralisht dhe Real nis të shpërdorojë. Minutat kalojnë dhe Ronaldo do të kombinohet me Marselon, që e ndjek deri në fund një aksion pas pasigurisë së Bufon dhe shënon. 03 dhe Juventus kapitullon. Ka minuta për Kovaçiç, i cili si ish- interist, kërkon të lërë gjurmë: Gjuajtje e fuqishme, por sërish traversë. Në fund, madrilenët festojnë dhe ky rezultat i çon me një këmbë në gjysmëfinale drejt historisë për të tretin Champions radhazi, ndërsa Juventus duhet të tentojë… të pamundurën.
SEVIJA- BAJERN
Ndeshja nis e luftuar dhe vendësit kërkojnë që të tregojnë dominancë. Megjithatë, minutat që kalojnë bëjnë që bavarezët të mund të tregojnë eksperiencën dhe qëllimet në këtë sezon për tripletën. Me gjithë tentativat dhe dominimin e statistikave për gjermanët, është Sevija që starton serinë e golave. Sarabia shënon dhe në Sevije nis festa. Është e 31- ta minutë, por shpejt vjen bal- anca. Janë pikërisht vendësit që shënojnë, por këtë herë në portën e tyre. Pjesa e parë përfundon në baraspeshë, 11. Në të dytën, Bajern zotëron topin, rastet e shumta për shënim dhe tentativat e pastra. Gjithçka do të shpërblehej në të 68- ën minutë, kur një krosim drejt zonës devijohet dhe Bajern gjen avantazhin. 1- 2 do të mbesë në fuqi deri në fund dhe Bajern do duhet të administrojë rezultatin për të kaluar më tej.
Muri i fundit i lartë u shemb në 12 shtatorin e kaluar. Në listën e "viktimave" të Lionel Mesit mungonte vetëm Xhixhi Bufon, por dopieta e argjentinasit që hapi Champions- in 20172018 kundër Juventusit, theu tabunë. Sepse nga Bufon te Nojer, nga Çeh te Kasijas, Mesi i ka "djegur" të gjithë. Praktikisht, asnjë nga kampionët që qëndrojnë mes dy shtyllave nuk ka arritur ta ndalë argjentinasin. Vetëm njëri është larguar i paprekur nga duelet me Mesin, por ky i fundit e ka sfiduar vetëm 1 herë në duelin me kombëtaret respektive. Nuk është akoma një mit sepse po luan vitin e parë si titullar në Serinë A dhe në Champions, por sot në mbrëmje duhet të tregojë se ajo portë e paprekur nuk ka qenë rastësi. Alison do të përballet me Leo Mesin, një vit e 5 muaj nga sfida e fundit mes tyre. Shanset e Romës për të bërë mrekullinë në Barcelonë do të kalojnë sigurisht edhe nga dorezat e tij. Tani është radha të përballet me një nga më të mirët në Europë, Alison Beker. Në ndeshjen e nëntorit të vitit 2016, Brazili fitoi 3- 0 ndaj Argjentinës dhe Alison bëri dy pritje spektakolare. Njërën ndaj Biljas dhe tjetrën ndaj Mesit. Sot në mbrëmje do të përballet sërish me "Pleshtin" me misionin e vështirë. Por, Mesi kur ka një brazilian përballë nuk është vetvetja... Pyesni Zhulio Sezarin, i cili luajti në 5 ndeshje ( 3 prej tyre në Inter- Barcelona) kundër Mesit. Gola të pësuar? Asnjë. Alison ka ku t'i marrë këshillat.
Valverde- Trajneri i Barcelonës ka thënë se ekipi i tij duhet ta tregojë në fushë që është favorit. "Kanë vlerë veprat, jo fjalët. Duhet të zbresim në fushë për ta dominuar ndeshjen, por nuk do të jetë e lehtë. Roma ka lojtarë që mund të na bëjnë keq. Di Françesko ka ndërtuar një skuadër të fortë. E sigurt që kualifikimi nuk do të vendoset mbrëmjen e sotme, por edhe ndeshja e dytë është e rëndësishme. Mesi? Nuk e di nëse do të ndërtojnë një kafaz rreth Mesit. Ky është problemi i atyre, jo i imi", ka thënë trajneri i Barcelonës në konferencë.