Memorial International School of Tirana në programin e BE
Memorial
International School of Tirana prezantoi Shqipërinë në aktivitetin e “Your Europe Your Say!“2018 në Bruksel, organizuar nga Bashkimi Evropian më 15 dhe 16 mars 2018. Nxënësit tanë: Erisa Shehu, Joel Hallkaj, Diana Pasholli prezantuan në YEYS temën: “Trashëgimia kulturore europiane”.
Çdo vit, vendet anëtare të BE dhe 5 vende kandidate për BE ( Shqipëria, Maqedonia, Mali i Zi, Serbia dhe Turqia) përzgjedhin një shkollë për t’u prezantuar në këtë eveniment të rëndësishëm. Nxënësit përzgjidhen përmes shkrimit të një eseje lidhur me tematikën e përcaktuar.
Aktiviteti u hap zyrtarisht në mbrëmjen e 15 marsit nga Luis Planas, Sekretar i përgjithshëm i KESE ( Komiteti Ekonomik dhe Social Evropian) dhe Gonçalo Lobo Xavier, Zëvendëspresident i KESE, i cili drejtuar audiencës së të rinjve tha: “Prezantoni idetë tuaja dhe ne do t’ju mbështetim pë t’i realizuar ato”.
Më 16 mars, pjesëmarrësit u mirëpritën nga Presidenti i KESE, Georges Dassis, i cili u rikujtoi pjesëmarrësve, se projekti Europian i ka rrënjët e veta në demokracinë Athinase dhe që brezat e rinj kanë shijuar frytet e 60 viteve paqeje, stabiliteti dhe përmirësimi të kushteve të punës dhe jetesës. Ai veçanërisht vlerësoi zgjedhjen e trashëgimisë kulturore si tematikën e këtij viti.
Më pas, Sekretarja e Përgjithshme e Europa Nostra, Sneška Quaedvlieg- Mihailović, mbajti një fjalim frymëzues, duke theksuar se është gabim të thuash që Brukseli është zemra e Europës, sepse në fakt ” Europa është kudo në zemrat tona”.
Ajo nënvizoi se të investosh rreth edukimit europian dhe për Europën ishte ndoshta investimi më i mirë që ne kemi bërë dhe ftoi mësuesit të vendosin më shumë “Europë” në atë çka ata u përcjellin brezave.
Së fundmi, një aktore 25- vjeçare greko- belge, fituese e çmimit “Berlin Shooting Stars 2016”, Daphne Patakia, mbajti një fjalim bazuar në eksperiencën e saj si aktore dhe europiane e vërtetë, duke nënvizuar rëndësinë e artit në bashkimin e popujve.
Në një varg seminaresh, të rinjtë pjesëmarrës ishin të aftë të këshillonin, debatonin, dhe bashkonin e harmonizonin idetë e tyre mbi
trashëgiminë kulturore europiane. Në seancën plenare finale, e cila u drejtua nga Gonçalo Lobo Xavier, të rinjtë pjesëmarrës patën mundësinë të prezantonin rekomandimet e tyre dhe të votonin për tri prej tyre, të cilat u gjykuan si më të rëndësishmet.
1. Mundësia për të zbuluar kultura të tjera përmes udhëtimeve ( bashkëfituese)
Një program i mbështetur nga BE për të rinjtë, që i mundëson ata të përjetojnë larminë kulturore përmes mësimit të gjuhëve të ndryshme.
2. Ruaj kulturën, mëso nga e kaluara dhe përdore atë për të ndërtuar të ardhmen! ( bashkëfituese)
Krijimi i rrjeteve të Qendrave Europiane të Kulinarisë dhe mbështetja e artizanëve.
3. Eksperimento me kulturën.
Bëjmë kulturën më prezente dhe më afër njerëzve duke u ofruar mundësi të lira ose falas udhëtimi, duke përzier kështu forma moderne dhe tradicionale të kulturës. Në përfundim, z. Lobo Xavier falenderoi të rinjtë pjesëmarrës për punën e tyre të shkëlqyer. Tre rekomandimet fituese do të prezantohen nga një delegacion të rinjsh në 60- vjetorin e KESE, që do të zhvillohet në 24 maj të këtij viti.