Rama: Shqipëria e meriton çeljen e negociatave
Presidenti i PES, Stanishev: Opozita duhet të ketë një kufi
Kryeministri Rama tha dje se Shqipëria pret atë që meriton, marrjen e rekomandimit për çeljen e negociatave me BE- në.
Në përfundimi të Konferencës Ballkanike të PES- së të zhvilluar në Tiranë, kreu i qeverisë tha se Shqipëria i ka bërë detyrat e shtëpisë të kërkuara nga Brukseli. “Komisioni, urojmë dhe shpresojmë që t’i konsiderojë detyrat e kryera deri në këtë fazë dhe të japë rekomandimin e pastër pozitiv për çeljen e negociatave. Pastaj vjen vendimmarrja e shteteve që është përtej anës teknike, një vendimmarrje politike. Në fillim të marrim raportin dhe uroj rekomandimin, duke shtuar se më pas do të kemi një periudhë kohe për të intensifikuar punën tonë për të gjitha vendet anëtare, që kanë nevojë për më shumë përpjekje dhe për të marrë konsensusin e vendeve anëtare”, tha Kryeministri Rama.
Sipas tij, “Është një vendimmarrje politike, por raporti na bën më të fortë ose më të dobët”. “Kemi një axhendë intensive bashkë me ministrin për Europën dhe Punët e Jashtme dhe jemi të mirëpërgatitur për fazën tjetër. Edhe PES ka një rol të konsiderueshëm edhe për prezencën në parlamentet e vendeve të tjera”, tha Kryeministri. “Nëse kemi një raport të qartë dhe solid, ne kemi dëftesën që kemi bërë detyrat e shtëpisë. Rëndësi ka që të marrim rekomandimin pozitiv tani. Është e udhës që të gjithë të fokusohen te rekomandimi”, shtoi Rama.
STANISHEV Në një komunikim me median pas përfundimit të Konferencës Ballkanike të PES- së në Tiranë, Presidenti i PES- së, Stanishev, u ndal te bashkëpunimi qeveri- opozitë për çështje të integrimit europian. “Pa dashur të ndërhyj në çështjet e brendshme të Shqipërisë dhe marrëdhëniet mes opozitës dhe qeverisë në pushtet, dua të ndaj mendimet e mia, kur kjo lidhet me integrimin në Bashkimin Europian. Në Ballkan, zakonisht marrëdhëniet mes qeverisë dhe opozitës janë gjithmonë shumë emocionale. Kam qenë këtu kur ka qenë partia e Edit në opozitë dhe kur Berisha ishte Kryeministër, i kam parë të gjitha. Kam parë edhe në shtetin tim. Opozita lufton qeverinë për dobësitë, por duhet të ketë një kufi”, tha ai. Por, sipas Stanishev, “Ka një gjë që është shumë e rëndësishme në kontekstin e anëtarësimit në Bashkimin Europian dhe këtë duhet të mbani mend”. “Kam qenë edhe në vendin tim në të dyja anët,