Vitore Tusha, drejt kalimit të procesit të vetingut
Gjyqtarja e Kushtetueses kaloi testin e pasurisë, u pyet për profesionin
Komisioni i Pavarur i Kualifikimit pritet që ditën e sotme rreth orës 9: 00 të shpallë vendimin përfundimtar për procesin e rivlerësimit të gjyqtares së Gjykatës Kushtetuese, Vitore Tusha. Ditën e djeshme, gjyqtarja ishte në seancën dëgjimore para KPK- së. Gjatë seancës, relatorja e çështjes tha se nuk janë vërejtur shkelje sa u përket deklarimeve të pasurisë dhe integritetit të figurës së saj. Tusha u pyet kryesisht për aftësitë profesionale në seancë dhe gjyqtarja nuk kërkoi kohë të përgatitej, por u përgjigj në vend në lidhje me disa interpretime të ligjeve për të drejtat e njeriut. Ndaj saj ka pasur rreth pesë denoncime në KPK për disa procese, por duket se gjyqtarja ka bërë interpretimet e duhura, pavarësisht pretendimeve. Në seancën dëgjimore të ditës së djeshme, përveç trupës gjykuese që përbëhej nga Alma Feskaj, Valbona Sanxhaktari dhe Xhensila Pine ishte edhe Theo Jakobs, përfaqësues i Operacionit Ndërkombëtar të Monitorimit. “Pas administrimit të in-- formacionit deklarimi në ka përputhje fshehje është pasurie, nga me i ligjin. ILDKPKI, saktë nuk Nuk dhe ka deklarim të rremë, nuk ka konflikt të interesit,” deklaroi relatorja Sanxhaktari. Ditën e nesërme, pritet që gjyqtarja të marrë dritën jeshile nga KPK- ja, duke u bërë e para gjyqtare që kalon me sukses procesin e vetingut. Tusha është diplomuar në vitin 1983 në Fakultetin e Drejtësisë në Universitetin e Tiranës. Nga viti 1983 deri në vitin 1990, ajo ka punuar si përmbaruese gjyqësore në Tiranë dhe prej 1990 deri në 1992, si avokate. Në periudhën 1992- 1994, Tusha ka ushtruar detyrën e gjyqtares në Gjykatën e Tiranës dhe në vitet 19942001, atë të gjyqtares në Gjykatën e Kasacionit, ku nga viti 1999 deri në vitin 2001 ka udhëhequr Kolegjin Civil të kësaj gjykate. Nga viti 1986 e në vazhdim ka qenë lektore e së Drejtës Civile dhe Procedurës Civile pranë Fakultetit të Drejtësisë në Universitetin e Tiranës dhe Shkollës së Magjistraturës. Ne vitin 2008 ajo u zgjodh gjyqtare në Gjykatën Kushtetuese.