Videoja nudo, mësuesi: E publikova gabimisht, do t’ia dërgoja gruas në “Messenger”
Shkolla pezullon mësuesin e matematikës, Fatmir Dervina: Dashakeqët përfituan nga gabimi, ia dërguan njëri- tjetrit
Mësuesi i matematikës në shkollën 9vjeçare të FushëKrujës, ka deklaruar në Polici se videon nudo do t’ia çonte gruas së tij, por ai e kishte publikuar atë gabimisht.
Publikimi në rrjetet sociale i kësaj videoje i ka kushtuar pezullimin nga puna mësuesit Fatmir Dervina. Vendimi është dhënë dje nga komisioni disiplinor i shkollës.
Përmes një statusi në profilin e “Facebook”- ut, shkolla 9vjeçare “Adem Gjeli” FushëKrujë, njofton se mësuesi është pezulluar nga detyra deri në zbardhjen e çështjes nga organet kompetente. “Duke marrë shkas nga ngjarja e publikuar në rrjetet sociale, mbi publikimin e një videoje me përmbajtje që cenon integritetin e një mësimdhënësi, nga një mësues i shkollës sonë, drejtoria e shkollës 9- vjeçare “Adem Gjeli” Fushë- Krujë dënon ashpër veprimin dhe ka marrë masën: pezullim nga puna deri në zbardhjen e çështjes nga organet kompetente”,- thuhej në njoftimin e shkollës. Sikur të mos mjaftonte pezullimi nga puna, arsimtari është proceduar penalisht në gjendje të lirë nga Policia lokale për “vepra të turpshme”, e cila tashmë ia ka kaluar çështjen për hetime të mëtejshme Prokurorisë së Rrethit Krujë.
“Për shtetasin Fatmir Dervin ka nisur procedimi penal në gjendje të lirë, në lidhje me publikimin e një video perverse në adresën e tij personale të “Facebook”. Materialet i kaluan Prokurorisë së rrethit për hetime të mëtejshme”, thanë burime nga Policia.
Të njëjtat burime thanë se, Dervina është justifikuar duke deklaruar se publikimi i videos është bërë pa dashje nga ai, ndërkohë që po tentonte t’ia dërgonte bashkëshortes së tij nëpërmjet “Messenger”- it. “Gjithçka po bëhet për të hedhur baltë mbi integritetin dhe figurën time. S’kam bërë asnjë shkelje. Videoja është publikuar nga mua gabimisht në “Facebook”- un tim pa dashje, ndërkohë që desha t’ia dërgoja me “Messenger” bashkëshortes. Adresa e “Facebook” është personale dhe s’ka pse të bëhet kaq e madhe. Ajo video i përket jetës sime private, sikurse private është edhe adresa ime e “Facebook”. Sigurisht, nuk jam krenar që u bë publike, pasi nuk ishte ky qëllimi im. Siç edhe theksova, videon desha ta dërgoja tek ime shoqe dhe gabimisht u shfaq në murin e “Facebook”. Aty dashakeqët përfituan ( miqtë virtualë, mes tyre edhe nxënësit e shkollës) dhe ia dër- guan njëri- tjetrit. Kërkoj ndjesë publike, por ishte thjesht një gabim njerëzor”,- deklaroi ndër të tjera para grupit hetimor arsimtari nga Fushë Kruja, i cili shfaqet lakuriq në një video perverse, që qarkullon prej disa ditësh në rrjete sociale dhe së fundmi edhe në mediat online. Denoncimi u bë dy ditë më parë nga ishKryeministri Sali Berisha në “Facebook”, ku reagoi edhe vetë bashkëshortja e mësuesit, e cila deklaronte se bashkëshorti i saj kishte dashur që videon t’ia dërgonte asaj dhe gabimisht ka përfunduar në murin e “Facebook”- ut të tij. Në fakt, në momentin e shoqërimit, mësuesi theksoi se kjo video nuk i përkiste atij dhe se nuk ishte ai personi që shfaqej në të. Por më vonë ai ka pranuar se e kishte filmuar veten, me qëllim për t’ia nisur atë gruas.