Shqipëria rritet edhe me humbje, Kosova rekord përmirësimi
Ndeshjet e fundit miqësore kanë shërbyer si bazë për përllogaritjet e pikëve nga FIFA në renditjen e përmuajshme për ekipet kombëtare. Në listën e publikuar dje nga institucioni ndërkombëtar i futbollit, është mësuar edhe zhvendosja e skuadrave përfaqësuese si dhe diferenca e pikëve që kanë pësuar nga një muaj më parë. Në klasifikim, ka pasur ndryshime në renditje si për Shqipërinë dhe Kosovën, por edhe në renditjen e dhjetë skuadrave që kryesojnë.
Duket se humbja me Norvegjinë nuk ka pasur impakt negativ. Shqipëria e drejtuar nga Kristian Panuçi, me gjithë humbjen e pësuar në "Elbasan Arena", është përmirësuar në renditjen e këtij muaji. Kuqezinjtë janë rritur me dy vende në klasifikim, duke u ngjitur në vend të 56- të, në kuotën e 549 pikëve. Një rekord historik ka pësuar Kosova. Me një rritje prej 24 vendesh, përfaqësuesja që tashmë drejtohet nga Challandes, e gjen veten të pozicionuar në vend të 152- të me 164 pikë. Rritje e konsiderueshme për këtë përfaqësuese, e cila arrin rekordin e saj historik në klasifikimin e FIFA- s.
Top 10 - Gjermania kryesuese dhe Brazili gjenden në të njëjtat pozita, por Belgjika ka fituar podiumin. Me dy pozicione më shumë, ka zbritur Portugalinë dhe Argjentinën. Gjithashtu, me nga dy vende janë përmirësuar edhe Zvicra ( 6) dhe Franca ( 7), të cilat kanë postuar Spanjën në vendin e tetë. Kili fiton një vend dhe renditet e nënta, ndërkohë që Polonia, me katër vende më pak sesa një muaj më parë, e gjen veten në vend të 10- të.