Dokumentet e reja për të përfituar pensionin
Zbardhen dy ndryshimet e skemës së aplikimit për pension. Certifikatat që do merren online dhe mesazhi në celular për masën e pensionit
SMS në telefon për masën e pensionit dhe certifikata pa para. Këto janë dy ndryshimet lehtësuese për të gjithë ata që do të aplikojnë për pension gjatë vitit 2018.
Kreu i ISSH- së bëri të ditur dy ditë më parë reformën e njoftimit të masës së pensionit me anë të celularit, duke shmangur kështu ecejaket në zyrat e degëve të ISSH- së, ku aplikojnë ata që dalin në pension. Ndërsa më parë, ISSH ka hequr detyrimin e paraqitjes fizike për katër certifikata që duheshin në rastin e aplikimeve për pension të ri, apo përndryshe të veçanta në pensionin aktual. Gazeta zbardh sot dy ndryshimet që lehtësojnë procedurat dhe e bëjnë më të shpejtë marrjen e pensionit.
CERTIFIKATAT Për të marrë pensionin duhen disa dokumenta. Në kuadër të reformës së derregullimit, ISSH vendosi para disa kohësh që katër certifikata të mos kërkoheshin më në letër nga aplikuesit në degët e saj. “Në funksion të lehtësimit të procedurave për qytetarët për tërheqjen e kërkesave dokumentare për aplikim për shërbimet e ofruara nga Sigurimet Shoqërore, Agjencitë Lokale të Sigurimeve Shoqërore, për të gjitha shërbimet që ofrojnë dhe pranojnë dokumentacion nga qytetarët, nuk do të kërkojnë prej tyre de- pozitimin e ‘ të gjitha llojeve të certifikatave që gjenerohen nga sistemi i gjendjes civile, dëshmive të penalitetit, si edhe dokumenteve të cilat gjenerohen nga strukturat e Sigurimeve Shoqërore. Kështu, brenda pak minutave, përmes një metode të thjeshtë dhe pa kosto, qytetarët mund të kenë në duar edhe vërtetimet e masës së pensionit. Regjistrimi në portalin ealbania mund të bëhet vetëm me një kartë identiteti’”. Nga ana tjetër, “dokumentacioni do të gjenerohet nga portali e- albania. al dhe nga ndërveprimi i bazës së të dhënave të Sigurimeve Shoqërore me institucionet e tjera shtetërore. Vërtetimet e masës së pensionit mund të merren edhe online nga qytetarët. Kërkesat për dokumente apo vërtetime për përdorim jashtë vendit do të vazhdojnë të dorëzohen nëpërmjet Postës Shqiptare, drejtuar Institutit të Sigurimeve Shoqërore”.
Të gjitha certifikatat që merreshin në gjendjen civile kanë kosto. Çdonjëra prej tyre kushton minimalisht 50 lekë. Heqja e detyrimit lehtëson edhe financiarisht të gjithë ata që aplikojnë për pension, pasi në një aplikim duheshin disa certifikata të llojeve të ndryshme. SMS PËR PENSIONIN Ndryshimi i dytë lehtë- sues ishte ai i dy ditëve më parë ku kreu i ISSH- së, Astrit Hado, njoftoi se: “Për të lehtësuar ecejaket dhe pritjet e një përgjigjeje për daljen në pension, Instituti i Sigurimeve Shoqërore tashmë ofron shërbimin pa pagesë, për aplikimet e reja, me anë të një mesazhi në celular, duke njoftuar aplikuesit për përfitimin, pa qenë nevoja të paraqiten pranë sporteleve të sigurimeve shoqërore. Do t’iu luteshim, të gjithë të interesuarve, që kur plotësojnë dokumentacionin për përfitim nga sigurimet shoqërore, të plotësojnë me kujdes çdo kuadrat dhe të vendosin numrin e saktë të celularit”.