KPK: Prokurorja e Apelit Shkodër fshehu pasurinë
Besa Nikëhasani nuk justifikon dy apartamente, tre garazhe dhe një automjet
Komisioni i Pavarur i Kualifikimit ka dalë në përfundimin se prokurorja e Apelit të Shkodrës, Besa Nikëhasani, ka fshehur pasurinë dhe ka dhënë deklarime të pasakta në formularët e deklarimit të tyre.
Seanca për kandidaten për Këshillin e Lartë të Prokurorisë u zhvillua ditën e djeshme, në orën 11: 00. Vetë prokurorja ishte prezente dhe nuk ka preferuar që të mbrohet me avokat. Trupa gjykuese drejtohej nga Suela Zhegu, ndërsa relatore e çështjes ishte Genta Tafa- Bungo. Sipas kësaj të fundit, rezultoi se deklarimet e Nikëhasanit janë në përputhje me ligjin, sipas raportit të Inspektoratit të Lartë të Deklarimit dhe Kontrollit të Pasurisë dhe Konfliktit të Interesit. Por, nuk del i njëjti rezultat nga hetimi administrativ i ndërmarrë nga vetë Komisioni i Pavarur i Kualifikimit. Bungo- Tafa tha se disa pasuri të luajtshme dhe të paluajtshme të prokurores ishin me burime të dyshimta. Bëhet fjalë për një apartament banimi, i deklaruar në Lezhë në vitin 2004; një apartament me sipërfaqe 87 metra katrorë në Shëngjin dhe një garazh 150 metra katrorë në Lezhë. Gjithashtu, të dyshimta, sipas KPKsë, janë edhe blerja e një apartamenti 90 metra katrorë në Tiranë, dy garazhe dhe një automjet tip "Toyota Land Cruiser". Burimi i problemit ishte mosjustifikimi, sipas KPK- së, i apartamentit në Lezhë, i deklaruar në vitin 2004. Sipas deklaratave, Nikëhasani e ka shitur atë dhe ka përdorur paratë për blerjen e një apartamenti në Shëngjin APARTAMENTE, 2 garazhe dhe një automjet janë pasuritë e paluajtshme dhe të luajtshme që Nikëhasani nuk justifikon dot me të ardhurat që ka, sipas Komisionit të Pavarur të Kualifikimit. Po kështu, KPK thotë se Nikëhasani ka fshehur pasurinë dhe ka dhënë deklarime të pasakta. dhe të një garazhi në Lezhë. Mirëpo, KPK- ja vërejti se prokurorja Nikëhasani nuk e ka provuar pronësinë mbi apartamentin në fjalë. Po kështu, KPK ka dalë në përfundimin se Nikëhasani nuk justifikon burimin e të ardhurave për blerjen e një apartamenti 90 metra katrorë në Tiranë, dy garazhe dhe blerjen e një automjeti "Toyota Land Cruiser" që, sipas raportit paraprak, kushton 19 mijë euro. Në deklaratat e pasurisë, Nikëhasani ka deklaruar se mjetin e ka blerë për 500 mijë lekë. Sipas relatores së çështjes, Nikëhasani ka bërë deklarime të pasakta të pasurisë dhe kishte burime të pamjaftueshme për pasurinë e deklaruar. Kjo gjë është kundërshtuar nga vetë prokurorja, e cila është mbrojtur në seancë. Ajo ka pranuar se ka pasur shumë pasaktësi në deklarimet e saj periodike të pasurisë, krahasuar me deklarimet dhënë për KPK- në. Por sipas prokurores, kjo ka ardhur për shkak të mosnjohjes së mirë të metodës së deklarimit dhe disa gabimeve noteriale. Nikëhasani tha se nuk e ka fshehur pasurinë. Ajo deklaroi në seancë se ka bërë vetëm një herë pushime në jetën e saj dhe se daljet jashtë vendit kanë qenë për arsye familjare. Lidhur me mjetin, ajo tha se e ka blerë kur është komanduar në Prokurorinë e Matit me para të huazuara nga të afërmit, për shkak të sigurisë dhe infrastrukturës së vështirë. "Jam e keqardhur për pasaktësitë, por nuk kam fshehur pasurinë. Unë kërkoj nga Komisioni rikonfirmim në detyrë", u shpreh prokurorja. Trupa gjykuese pritet që ta japë vendimin më 20 prill për prokuroren.