PASURIA E GJYQTARES
Gjyqtarja e Gjykatës Kushtetuese, Altina Xhoxhaj, është subjekti i radhës që do të përballet me procesin e rivlerësimit. Seanca dëgjimore për të është caktuar më datë 23 prill. Xhoxhaj bëhet kështu gjyqtarja e tretë e Gjykatës Kushtetuese, që i nënshtrohet procesit të rivlerësimit pas Fatos Lulos dhe Vitore Tushës. Gjyqtarja Xhoxhaj ka deklaruar gjatë vitit 2014, një pasuri prej rreth 10 milionë lekësh. Sipas formularëve të deklarimit të pasurisë në ILDKPKI, Xhoxhaj ka deklaruar 1,894,950 lekë të ardhura nga puna si anëtare e Gjykatës Kushtetuese. Ajo është edhe pedagoge e jashtme në Shkollën e Magjistraturës, ku ka deklaruar 112,500 lekë të ardhu- Gjyqtarja Xhoxhaj numëron një pasuri prej rreth 10 milionë lekësh, ndërkohë që ka që në vitin 1995 që punon si gjyqtare, ka qenë anëtare e Këshillit të Lartë të Drejtësisë dhe pedagoge e jashtme në Universitetin e Tiranës. Duhet kuptuar se në pasurinë prej 10 milionë lekësh përfshihet edhe pasuria e bashkëjetuesit të saj, që ka mbajtur detyra të larta si zyrtar shteti. ra. Përveç kësaj, Xhoxhaj ka deklaruar edhe 1500 euro të ardhura nga një projekt i BERZH- it për trajnimin e gjyqtarëve, si edhe 3780 euro nga qiraja e një apartamenti që disponon në Tiranë. Po kështu, ajo ka deklaruar edhe 1,100,000 lekë kursime nga pagat e mëparshme. Sa u përket të ardhurave për vitin 2015, Xhoxhaj ka dek- laruar një llogari rrjedhëse me vlerën 9 mijë dollarë, 1,874,538 lekë të ardhura nga paga si gjyqtare, 4200 euro nga qiraja e apartamentit në Tiranë si edhe 79,687 lekë honorarë si pedagoge e jashtme në Shkollën e Magjistraturës. Për vitin 2016, Xhoxhaj ka deklaruar 1,861,308 lekë të ardhura nga puna si anëtare e Gjykatës Kushtetuese, 1,000,000 lekë kursime në një llogari rrjedhëse, 72,570 lekë të ardhura nga puna e saj si pedagoge në Shkollën e Magjistraturës, dhe 3655 euro nga qiraja e apartamentit. Altina Xhoxhaj në vitin 1995 ka qenë gjyqtare e Gjykatës së Tiranës dhe në vitet 2006- 2010 ka qenë edhe anëtare e Këshillit të Lartë të Drejtësisë dhe më pas është emëruar anëtare e Gjykatës Kushtetuese. Gjithashtu, ajo ka qenë pedagoge e jashtme në Fakultetin e Drejtësisë dhe atë të Ekonomisë në Universitetin e Tiranës, nga viti 1995 deri në vitin 2000. Më pas, ajo ka nisur të japë leksione si pedagoge e jashtme në Shkollën e Magjistraturës prej vitit 2003 e deri më sot. Xhoxhaj bëhet gjyqtarja e tretë e Kushtetueses, që i nënshtrohet vetingut. Dy kolegët e saj, Fatos Lulo dhe Vitore Tusha kanë qenë të parët. Lulo u shkarkuar se nuk justifikonte 460 mijë dollarë të ardhura, ndërsa Vitore Tusha u bë gjyqtarja e parë që e kalon me sukses vetingun duke u rikonfirmuar në detyrë.