Balla: Basha nuk do hapjen e negociatave për Shqipërinë
Kreu i Grupit parlamentar Socialist, Taulant Balla, akuzoi kryetarin e Partisë Demokratike, Lulzim Basha, se po punon që Shqipërisë të mos i hapen negociatat me BE- në. Balla mori pjesë në një nga seminaret e Akademisë Politike në Elbasan, e cila organizohet me mbështetjen e NDI- së( National Democratic Institute).
“Është për të ardhur keq që në Parlament kemi një opozitë të papërgjegjshme. Unë jam shpresëplotë, se pavarësisht sensibiliteteve kundër zgjerimit që ka në disa vende, ne të kemi mundësi të marrim një datë për hapjen e negociatave, Lul Basha thotë që Shqipërisë nuk duhet t’i hapen negociatat”, tha Balla. Sipas tij, hapja e negociatave nuk ishte një fitore e PS- së, por PS- ja ishte e vetmja parti që plotësoi prioritetin e Reformës në Drejtësi. “Rekomandimi për hapjen e ne- gociatave nuk ishte një fitore e PS- së. Sigurisht që PS- ja meriton gjithë vlerësimin sepse ishte PS- ja ajo që përmbushi kriterin kryesor, që para 4 vitesh nuk mendohej se mund të realizohej ndonjëherë e që ishte pastrimi i sistemit të drejtësisë nga gjyqtarët e prokurorët e korruptuar. Para 4 vitesh nuk e besonte njeri. Por përsëri ne jemi modestë dhe për hir të këtij pro- cesi kaq të rëndësishëm historik duam të kemi bashkëpunimin e opozitës, sepse një pjesë e mirë edhe të reformave që do të vijnë kërkojnë konsensus edhe më të gjerë sesa ai që ne kemi sot në Kuvend, edhe pse ne kemi një maxhorancë komode për të qeverisur vendin”, tha Balla. Sipas tij, rekomandimi i KE- së është mirëpritur dhe nga Parlamenti Europian. “Një nga këto prioritete ishte Reforma në Drejtësi, për të cilën unë sot, si Kryetar i Grupit Parlamentar të PS- së, jam shumë krenar që partia ku unë bëj pjesë luajti një rol historik në miratimin e kësaj reforme. Jemi në 2018, Komisioni Europian, pasi ne i bëmë të gjitha prioritetet, thotë që tani Shqipëria është e gatshme të hapë negociatat. Edhe Parlamenti Europian është dakord që Shqipërisë t’i hapen negociatat”, tha kreu i Grupit Parlamentar të PS- së.