Alibeaj: Rama bllokon hetimet për Tahirin
“Drejtoria e Kryeministrisë nuk na pajis me certifikata sigurie”
Komisioni hetimor i kërkuar nga opozita për ish- ministrin e Brendshëm, Saimir Tahiri, është bllokuar. Deputeti i PD- së dhe anëtari i Komisionit Hetimor, Enkelejd Alibeaj, ka akuzuar Kryeministrin Rama se duke mos lejuar Drejtorinë e Sigurimit të Informacionit të Klasifikuar të japë certifikata sigurie, po pengon përfaqësuesit e opozitës të njihen me materialet për ish- ministrin Tahiri. “6 javë pas ngritjes së komisionit hetimor ‘ Tahiri’, nuk është bërë asnjë veprim i rëndësishëm hetimor, sepse puna e anëtareve, përshirë kryetarin, është bllokuar me urdhër të arkitektit dhe përfituesit kryesor të kanabizimit të vendit, Kryeministrit Edi Rama. Me një urdhër të paligjshëm, Edi Rama ka urdhëruar Drejtorinë e Sigurimit të Informacionit të Klasifikuar ( DSIK), që të vonojë dhe bllokojë pajisjen me certifikatë sigurie të deputetëve të opozitës në komision. Pa asnjë arsye ligjore, Drejtoria, nën varësinë direkte të Ramës, ka refuzuar zyrtarisht edhe pajisjen tonë me certifikatë provizore sigurie, pavarësisht se kjo është një praktikë normale punë e DSIK- së dhe që jepet brenda ditësý. Pa certifikatën e sigurisë, ne nuk mund të shohim dokumentet sekrete që kanë filluar të vijnë nga disa institucione”, sqaroi deputeti i PD- së. Alibeaj i kujtoi Kryeministrit se pengimi i punës së komisionit është një veprim kriminal, duke parala- jmëruar drejtorin e DSIK se do të mbajë përgjegjësi përpara ligjit. “Pengimi i punës se Komisionit Hetimor është një veprim kriminal, për të cilin drejtori i DSIK do të mbajë përgjegjësi! DSIK, nën varësinë e Edi Ramës, është i njëjti institucion që ka pajisur me certifikatë sigurie, brenda ditës, Saimir Tahirin, i certifikuar ndërkombëtarisht për trafik ndërkombëtar droge. DSIK, që po bën kamikazin politik për Edi Ramën kundër opozitës, ka pajisur më certifikatë sigurie edhe drejtuesit e lartë të Policisë së Shtetit, që sot janë në kërkim ndërkombëtar për të njëjtën vepër penale si Saimir Tahiri, trafik ndërkombëtar droge”, tha Alibeaj.