Paloka i përgjigjet Selamit: S’the një fjalë kundër Ramës
“Presim që një tjetër ish- deputet i PD- së të fitojë në OKB”
Nënkryetari i PD, Edi Paloka, ka reaguar ashpër ndaj deklaratave të ish- kreut të PD- së, Eduard Selami, lidhur me zhvillimet brenda Partisë Demokratike.
Përmes një reagimi në “Facebook”, Paloka shkruan se gjatë qëndrimit të tij në Parlament, në mandatin 21013- 2017, Eduard Selami nuk tha një fjalë kundër Kryeministrit Rama në Parlament. Nënkryetari i PD- së i ka kujtuar ish- deputetit Eduard Selami edhe faktin se gjatë legjislacionit të kaluar parlamentar, emri i tij dhe i deputetëve të tjerë demokratë dëgjoheshin gjithmonë kur Kryeministri Rama kërcënonte se kishte vota edhe në radhët e demokratëve për miratuar çdo ligj. “Katër vite në Parlament, asnjë fjalë kundër Ramës. Demokratët emrin jua dëgjonin sa herë që Rama kërcënonte se i kishte votat edhe të disa deputetëve demokratë për të miratuar çdo gjë në Parlament, edhe nëse PD ishte kundër. Sot na thonë se qenkemi njësoj me Ramën, madje ‘ për punët e këqija’ qenkemi bashkë...”, shkruan Paloka. Nënkryetari i PD- së akuzon Eduard Selamin dhe ish- deputetë të tjerë demokratë, që shfaqen gjithmonë kur Kryeministri Rama është në “ditë të zeza”. Paloka nuk lë pa përmendur edhe përzgjedhjen e Majlinda Bregut si Sekre- tare e Përgjithshme e Këshillit të Bashkëpunimit Rajonal. Sipas Palokës, njësoj si për ish- ministren e Integrimit, pritet të dalë ndonjë lajm për ndonjë tjetër ishdeputet, që ka garuar dhe ka fituar në OKB. “Sa herë Rama është në ditë të zezë, ‘ çuditërisht’ dalin nga hiçi këta. Ndërkohë, demokratët e thjeshtë, ata që i kanë votuar, që vetëm kanë sakrifikuar e kurrë përfituar, janë aty e shohin... Prit kur të shohim ndonjë lajm tani që një tjetër ish- deputet i PD- së fitoi garën për në OKB. Faleminderit Edvin...!”, ka deklaruar nënkryetari i PD- së. Publikimi i një postimi të tillë për një nga figurat historike në PD, siç është ishkreu i saj, Eduard Selami, ngjalli reagime të shumta në media. Pas këtyre reagimeve, nënkryetari i PD- së, Edi Paloka, fshiu statusin nga llogaria e tij në “Facebook”.