Lista e re e ATP, emrat e pronarëve që kompensohen

Ndahet fondi 2.6 milionë USD, marrin paratë 290 familje

Ndahet fondi 2.6 milionë USD, marrin paratë 290 familje

Agjencia e pronave ndan fondin 2.6 milionë USD për pronarët, tokat e të cilëve janë zënë nga ndërtimet pa leje. Gazeta boton listën e miratuar dje nga agjencia me emrat e pronarëve, që do të kompensohen. Në total janë 290 familje që do marrin paratë për tokën e zënë, në Tiranë, Durrës, Elbasan, Shkodër, Vlorë dhe Lezhë. "Agjencia e Trajtimit të Pronave njofton se, më datë 27.04. 2018, ka përfunduar procesin e shqyrtimit për 290 kërkesa, të paraqitura nga subjektet përfituese, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/ shpërblimin në vlerë, në masën 70% të shumës së përgjithshme në të holla, të miratuar me vendimet përkatëse të Këshillit të Ministrave", thuhet në njoftimin e djeshëm të ATP- së. Nga këto 290 kërkesa, 288 prej tyre përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM- të përkatëse, ndërsa 2 kërkesa përfitojnë këstin e pestë të kompensimit prej 13% të vlerës totale, të miratuar me VKMtë përkatëse. "Fondi financiar që shpërndahet nga ATP- ja për këto 290 kërkesa është në vlerën 261.253.389 lekë. "Agjencia e Trajtimit të Pronave ( ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim".