Takimi historik, merr fund lufta mes dy Koreve
Trump: SHBA duhet të jetë krenare për atë që po ndodh
Në një fshat kufitar mes dy Koreve është mbajtur Samiti i parë historik i Paqes në 40 vite, ku u arritën marrëveshje të rëndësishme, të cilat hapin rrugën për një takim mes liderit koreanoverior Kim Jong Un dhe presidentit Donald Trump.
Kim u bë udhëheqësi i parë i Koresë së Veriut, që hyn në Jug në 65 vjet, ndërsa ai dhe Presidenti Moon u zotuan se nuk do të ketë më luftë dhe ranë dakord për ‘ denuklearizim’ të plotë. Dy armiqtë e betuar shkëmbyen një përshëndetje të ngrohtë në fshatin Panmunjom para se të bisedonin dhe të mbillnin një pemë përkujtimore së bashku. Takimi dramatik është parë si një pararendës i bisedimeve të planifikuara midis Kim dhe Presidentit të SHBA, Donald Trump, muajin e ardhshëm. Ndërsa sami- ti përfundoi të premten, Kim dhe Moon u takuan ngrohtësisht. Kim, më pas, hipi në një limuzinë të zezë “Mercedes Benz”, që e çoi përsëri në veri. Pasditen e së premtes, Kim dhe Moon u përqafuan pas nënshkrimit të një dek- larate, ku shkruhej se “nuk do të ketë më luftë në Gadishullin Korean”. Të dyja vendet thanë se do të nxisin bisedime me SHBA dhe potencialisht Kinën, për t’i dhënë fund përfundimisht konfliktit të 1950-‘ 53, i cili u ndalua me një armëpushim dhe i la Koretë teknikisht ende në luftë. Ata gjithashtu, ranë dakord të shpëtojnë gadishullin e tyre nga armët bërthamore, por nuk ofruan ndonjë masë të re specifike, që përshkruante se si mund të arrihet objektivi. Ata ranë dakord të hapin një zyrë për komunikim të përhershëm në qytetin e Koresë së Veriut, Kaesong, të rifillojnë bashkimet e përkohshme midis të afërmve të ndarë nga Lufta e Koresë dhe do të kërkojnë të zgjerojnë shkëmbimet civile dhe të ndjekin aktivitete të përbashkëta sportive dhe kulturore. Presidenti Donald Trump tha pasi u njoftua për Samitin, se: “Lufta e Koreve do të marrë fund: SHBA duhet të jetë shumë krenare për atë që po ndodh”.