Rama tregon kushtet e Merkel: Nëse jo në qershor, negociatat do hapen në dhjetor
KRYEMINISTRI PER KRICHBAUM: ESHTE I DIZINFORMUAR NGA PD
Kryeministri Rama akuzoi opozitën se kanë dezinformuar deputetët gjermanë për çështjen “Tahiri” ndërsa u shpreh optimist se Shqipëria do të hapë negociatat me BE- në.
I ftuar në emisionin “Tonight me Ilva Tare” Rama tregoi dhe arsyen e refuzimit të darkës nga ana e deputetit gjerman Krichbaum. A do të hapen negociatat dhe nga se varen? Këtë dua të di edhe unë, sepse ne i kryem me sukses detyrat e shtëpisë për këtë fazë, e cila nuk është fundi i procesit të anëtarësimit dhe tani topi është në fushën e politikës, pasi janë vendet anëtare që duhet të mbështesin rekomandimin që objektivisht nuk do të ketë problem. Në vendet anëtare ka dinamika të brendshme dhe sigurisht edhe një frymë dhe jo në vendet e parëndësishme, e cila nuk është fryma e përpara disa viteve, në lidhje me zgjerimin dhe vendimmarrjes i duhet të haset edhe me rezistenca të brendshme, që nuk janë të papërfillshme.
Qeveria ka diçka në dorë me këtë vendimmarrje politike?
Natyrisht, ne do të trokasim në çdo derë ku është e nevojshme të hymë, në çdo derë për të këmbëngulur për meritën që kemi marrë rekomandimin, si dhe për të këmbyer opinione mbi shqetësimet e tyre. Ka një moment spekulimi, pasi këtu nuk bëhet fjalë që Shqipëria kërkon të anëtarësohet sot. Mendoj, se është një spekulim që vjen si rezultat i raporteve me opinionin publik ku forca antieuropiane e paraqesin këtë proces, a thua se këtu bëhet fjalë që nesër vendet e Ballkanit apo Shqipëria do të ulen në tryezën e familjes europiane. Në qershor duam të çelen negociatat.
Ju e keni marrë mbështetjen për hapjen e negociatave, por ka një “por” për vazhdimin e reformave.
Nuk ka asnjë “por”. Vazhdimi i reformave është domosdoshmëri. Ato lidhen me një proces ku reformat nuk do të ndalen, por do të thellohet dhe hapja e negociatave është një fazë shumë herë më e rëndë përsa i përket detyrave dhe vështirësive sesa faza e përgatitjes për çeljen e tyre. Keni një listë, që kanë rezerva dhe që kanë thënë jo? Ne nuk kemi asnjë vend që ka thënë jo. Por, ne dimë që ka vende ku ka një debat dhe debati është i lidhur me balanca të brendshme. Për shembull, në Gjermani edhe për faktin ku procedura kalon nga Parlamenti, pra, qeveria duhet të marrë votën e Parlamentit. Edhe në Francë ka një lloj tensioni të brendshëm që lidhet me fuqizimin e forcave antieuropiane dhe me presionin që ushtrojnë në lidhje me zgjerimin. Ka edhe procese të afërta zgjedhore që ndikojnë te politikanët. Keni planifikuar një vizitë në Francë? Ne jemi në punë përditë. Nuk është vetëm çështje takimesh, është edhe çështje komunikimesh. Është çështje kontaktesh, edhe çështje telefonatash. Keni pasur telefonatë me Presidentin Macron? Me Presidentin Macron jo, por kemi pasur kontakte me Pallatin Elize, edhe me eksponentë të lartë të qeverisë franceze. Keni besim se mund ta zgjidhni votën pro të Francës? Kam besim që ne do t’i hapin negociatat. Do të jetë deri në fund një përpjekje jo e lehtë. Ne kemi në dorë një dëftesë shumë të fortë. Rekomandimi është shumë i qartë dhe lë pak hapësirë për interpretime të ndryshme. Flasim për këtë fazë dhe nuk flasim për një fazë që ka shteruar të gjitha alternativat. Procesi i negociatave është shumë i rëndë. Është një proces me lupë në çdo detaj.
Në deklaratën me Kancelaren Merkel, foli për kushte dhe parakushte...
Kancelarja e sqaroi edhe vetë. Parakushtet janë prioritetet dhe faza e zbatimit të tyre.
Thjesht ka përdorur një fjalë të ndryshme për prioritetet?
Po! Patjetër. Ka folur për parakushte, që do të thotë, përpara se të fillojnë negociatat ka disa parakushte.
Pranuat se ju kanë pyetur për çështjen “Tahiri”. A mund ta dimë se çfarë ju pyetën?
Më pyetën atë që dihet që lidhet me interpretimin e bërë nga komisioni i mandateve, sepse ata kanë një sistem tjetër. E dyta, janë disa njerëz në atë grup parlamentar që janë fatkeqësisht nën presionin e dezinformimit të vazhdueshëm që bëhet nga Tirana dhe, edhe kohë për t’u marrë me detaje me Shqipërinë nuk kanë. Unë kam sqaruar atë që është, edhe publikisht sqaruar. A pati një kërkesë shtesë? Komisioni ka bërë vetëm pyetje dhe jo kërkesa dhe unë u jam përgjigjur pyetjeve.
Ka një deputet gjerman që thotë se hapja e negociatave është e parakohshme. Mendoni se mund të ndikojë?
Nuk është sekret që zotëria ka një mendim të konsoliduar kundër qeverisë tonë. Kemi pasur një debat në Tiranë dhe i kemi opinionet shumë të largëta. Kur flet, dëgjoj në gjermanisht Partinë Demokratike të Shqipërisë. Është pozicion legjitim i tij. Është një nga 600 e kusur deputetë të Bundestagut. Edhe sajesat e Partisë Demokratike merren të mirëqena prej tij. Si shkoi takimi me të? Nuk kisha takim. Drejton komisionin. Ishte korrekt dhe në fund të seancës më kërkoi ndjesë se nuk mund të më shoqëronte, sepse kishte një takim me ministrin e Brendshëm. Unë e kam vlerësuar faktin që kur bëhej fjalë për të nxjerrë nga bunkeri PD- në, ai ishte në krahun e duhur të historisë. Kjo është një gjë shumë e rëndësishme, sesa çfarë mendon ai ndryshe nga unë. Ne i mbështesim me fakte dhe rezultate të konfirmuara nga Komisioni Europian, ndërsa zoti Krichbaum i merr nga selia e Partisë Demokratike. Basha ka thënë se ka lobuar për hapjen e negociatave. Janë disa njerëz që kanë qëllime pozitive dhe nuk kanë asnjë arsye të kenë qëllime negative dhe t’i bombardosh me të gjitha shpifjet, është të punosh kundër Shqipërisë. Do të duhej një kohë e gjatë, që ata të gjenin kohë për të pasur mundësinë dhe vullnetin dhe të dilnin në konkluzionin shumë miq të PD, që tani janë ish- miq në Bruksel.
Kur u kthyet nga Berlini, thatë se keni gati ekipin negociator? Besoj që e kemi identifikuar kryenegociatorin. Do të kërkoni edhe konsensusin nga opozita? Nuk besoj se do të jetë nevoja. Di të them, që ne do të vendosim në krye të negociatave një person me aftësi dhe integritet. E dini emrin? Po! Mund ta thoni? Jo! Sepse duhet të hapen negociatat. Në radhët e PS? Duhet të hapen negociatat, pastaj emri. Jeni optimist për hapjen e negociatave në qershor? Nëse nuk hapen? Do të mbani përgjegjësi?
Jam optimist. Ne do të bëjmë maksimumin. Nëse do të jetë e bazuar mbi meritën dhe faktet dhe rezultatet që flasin qartë, ne do të na japin po. Nëse vendimmarrja ndikohet nga dinamika të brendshme, kjo është jashtë mundësive tona. Është thjesht dhe vetëm një çështje e shkurtër kohe. Nëse nuk hapen në qershor, do të hapen në dhjetor.
Ishte korrekt dhe në fund të seancës më kërkoi ndjesë se nuk mund të më shoqëronte, sepse kishte një takim me ministrin e Brendshëm. Unë e kam vlerësuar faktin që kur bëhej fjalë për të nxjerrë nga bunkeri PDnë, ai ishte në krahun e duhur të historisë. Kjo është një gjë shumë e rëndësishme, sesa çfarë mendon ai ndryshe nga unë. Ne i mbështesim me fakte dhe rezultate të konfirmuara nga Komisioni Europian, ndërsa zoti Krichbaum i merr nga selia e Partisë Demokratike.