Kryemadhi: Qeveria e diskretituar ndërkombëtarisht
“Qytetarët presin nga LSI aksion politik për të shpëtuar vendin”
Kryetarja e LSI- së, Monika Kryemadhi, tha dje gjatë mbledhjes së Komitetit Drejtues Kombëtar se qytetarët presin nga LSI- ja që të ndërtojë një aksion pa kompromis për të shpëtuar vendin nga Edi Rama. Kryemadhi tha dje se qeveria Rama është e diskretituar tashmë ndërkombëtarisht edhe për shkak të Saimir Tahirit. Kryetarja e LSI- së u shpreh dje se ish- ministri e shantazhonte Edi Ramën me gjuhën mafioze. “Asnjë fjalë të sinqertë nuk ka pasur në apologjinë false të ish- ministrit të Brendshëm. Madje dhe lotët e tij për të disatën herë duken si lot krokodili dhe janë pjesë e tragjikomedisë që Edi Rama e inskenon kaq bukur për bashkëpunëtorët e tij, që jemi mësuar t’i shikojmë në gjithë jetën politike të z. Rama. Nëse Saimir Tahiri do kishte ndierë qoftë dhe një fije përgjegjësi për llumin e drogës në të cilin e zhyti Shqipërinë, të paktën duhet të kërkonte ndjesë publike jo vetëm për shqiptarët, por më shumë për ata të rinj dhe të reja që sot janë peng i përdorimit të drogave të forta, ku dhe Shqipëria mban vendin e parë në botë për përdorimin e kokainës. Duhet të tregonte dinjitet dhe të përballej me të vërtetën dhe jo të shantazhonte Edi Ramën me gjuhën e mafiozëve, të cilën jemi mësuar ta dëgjojmë rëndom nëpër foltore. Ky është moment i rëndësishëm për LSI- në dhe për opozitën”, u shpreh Kryemadhi. Para drejtuesve të LSI- së, Kryemadhi tha se opozita ka për detyrë të nxjerrë vendin nga bataku. “Jo vetëm sepse ndodhemi përballë një qeverie të diskretituar tashmë dhe ndërkombëtarisht, por edhe Kryetari i Grupit të LSI- së, Petrit Vasili, tha dje se DASH ka vënë pikëpyetje të tmerrshme mbi qeverisjen e vendit. Sipas tij, Edi RAma po e zhbën shtetin. “Vjen pikërisht nga ato konstatime të tmerrshme, që Departamenti Amerikan i Shtetit ka thënë në raportin e tij më tronditës në 28 vitet e pluralizmit shqiptar. Kur ka thënë që vendi mbetet në një rrezik të madh për shkak të pastrimit të parave të pista, korrupsionit të shfrenuar dhe institucioneve të dobëta qeveritare, pra, teoria dhe teza e Kryeministrit të vdekur politikisht, që po bëjmë shtet, ai po zhbën shtet. Pra, maxhoranca dhe Kryeministri nuk po bëjnë shtet, po jua përsëris, po e zhbëjnë shtetin”, ka thënë Vasili. për faktin se qytetarët shqiptarë presin nga ne aksion të vërtetë dhe të pakompromis politik për të shpëtuar vendin, familjet e tyre dhe fëmijët e tyre. Shqipëria po jeton sot ditët e saj më të këqija të 25- 30 viteve të fundit. Dhe pa dyshim, është detyra jonë të përpiqemi ta nxjerrim vendin nga ky batak ku e çuan Edi Rama dhe mafiozët, që e mbajnë peng dhe në pushtet në të njëjtën kohë. Sot më shumë se kurrë vendi ka nevojë për angazhimin tonë jo vetëm politik, por dhe programor e gjithëpërfshirës për të rrëzuar nga karrigia klikën e Edi Ramës, që abuzon me koncesionet e vjedh përditë nga taksapaguesit shqiptarë” u shpreh ajo.