Denoncimi i PD, Ministria e Arsimit tërheq kërkesën për ID e prindërve
Vokshi: I duhen për zgjedhje. Ministria: Për të informuar!
Prindërit që kanë fëmijë në shkolla janë përballur dy ditë më parë me një kërkesë të pazakontë nga shkollat, plotësimin e të dhënave të tyre personale.
Pikëpyetjet dhe shqetësimi i tyre ka rënë në vesh të Partisë Demokratike, e cila përhapi lajmin e nisjes që tani të fushatës elektorale dhe “përdorimit të të dhënave në regjistrat e votuesve për shantazhe për votën”. Kaq ka mjaftuar që Ministria e Arsimit të tërhiqet nga nisma, sipas saj, me qëllimin e “ndërtimit të rrjetit të komunikimit mes prindër- mësues”.
E- MAILI Të gjithë prindërit duhet të dorëzojnë brenda një jave të dhënat e tyre: numrin e identifikimit, emër, mbiemër, qarkun e bashkinë, të cilës i përkasin, DAR/ ZA, emrin e shkollës së fëmijës, numrin e telefonit dhe e- mailin personal. Ka qenë kjo kërkesa elektronike e ministrisë përcjellë pikës së kontaktit në çdo shkollë për të arritur te prindërit. “Me kërkesë të MASR, ju lutem deri më datë 10 maj 2018, të sillni me email listën e komitetit të prindërve në shkollat tuaja si dhe listën e të gjithë prindërve që kanë fëmijët në shkollat tuaja në dy tabelat bashkëlidhur. Prindërit që në shkollën tuaj kanë më shumë se një fëmijë, duhet ta shkruani vetëm një herë brenda së njëjtës tabelë”. Mes të tjerash, përgjegjëset për këtë punë në shkolla e nënvizojnë këtë informacion me shumë rëndësi, teksa lajmërojnë edhe ngarkimin me përgjegjësi për ata që nuk kthejnë përgjigje në kohën e caktuar.
DENONCIMI Partia Demokratike për- mes deputetes Albana Vokshi, njëherësh kryetare e Komisionit të Arsimit, akuzon hapur ministrinë se po përdor nxënësit për manipulimin e zgjedhjeve. “Për shkak se qëllimi i operacionit antikushtetues e antiligjor është mbajtur i fshehtë, ne dyshojmë se qeveria po mbledh të dhënat e shtetasve të vet për t’i përdorur ato për zgjedhje, me identifikimin dhe më pas blerjen e votës. Teksa i kërkon sqarime MASit për arsyet e këtij veprimi, sipas tyre të paligjshëm, Vokshi apelon prindërit të mos japin kurrfarë të dhëne. “Prindërit të refuzojnë dhënien e çdo informacioni pa marrë sqarime, pasi ligji përcakton qartë që prindi duhet të japë pëlqimin për për- punimin e të dhënave të veta, si dhe të jetë i informuar mbi qëllimin dhe përpunuesin e të dhënave”. PD- ja u kërkon Prokurorisë dhe komisionarit për mbrojtjen e të dhënave personale të ndërhyjnë.
REAGIMI Informimi i prindërve mbi atë se çfarë ndodh me fëmijët e tyre në një orë mësimi, falë rrjetit të komunikimit që po krijohet, është qëllimi i vetëm i kërkesës për të dhënat personale të prindërve. Këtë arsyetim ka dhënë ministria në deklaratën e saj, në të cilën bën me dije një urdhër të dytë që kthen mbrapsht të parin, duke mos kërkuar më të dhënat e prindërve, atë që e cilëson “detaj teknik”. “MAS po krijon rrjetin e komunikimit në kohë reale me prindërit e mësuesit. Për ta bërë efektiv dhe të sigurt këtë proces është parë e nevojshme vendosja e NID si element sigurie, për të shmangur çdo gabim raportimi. Të gjitha akuzat drejtuar këtij procesi janë të ulëta”, thuhet në deklaratën për mediat ku nënvizohet se përpos kësaj, procesi për ngritjen e rrjetit të bashkëqeverisjes prindër– mësues do të vijojë.