Putin betohet për mandatin e ri gjashtëvjeçar si President i Rusisë
Presidenti i Rusisë, Vladimir Putin, u betua të hënën në një ceremoni madhështore për mandatin e ri gjashtëvjeçar si lider i vendit. Putin është tashmë udhëheqësi më kohëgjatë në Rusi që nga Stalini. Gjatë ceremonisë, ai ka premtuar të përqendrohet në përmirësimin e jetës së rusëve, por pa u tërhequr nga konfrontimi me Perëndimin. Mes sfidave të tij, Putin kujtoi gjatë një fjalimi të shkurtër inaugurues para mijëra të ftuarve në Kremlin, se Rusia duhet të zgjerojë liritë për sipërmarrësit dhe shkencëtarët, të investojë në zhvillimin rajonal dhe të rrisë cilësinë e arsimit dhe kujdesit shëndetësor. Një fokus i veçantë iu vu vlerave tradicionale të familjes, duke rritur sa më shumë shkallën e lindjeve. Presidenti 65vjeçar para bëri betimin në Hollin Andreyevsky, dhoma e fronit të Carit të Rusisë me mermer rozë në Pallatin e Madh të Kremlinit. Për të treguar popullaritetin e gjerë të Putinit, ak- tivistët dhe vullnetarët nga fushata e tij e rizgjedhjes iu bashkuan personaliteteve zyrtare mes 6,000 të ftuarve. Ish- Kancelari gjerman Gerhard Shrëder ishte mes të ftuarve, duke qëndruar në rreshtin e parë krahas Patriarkut Kirill, kreut të Kishës Ortodokse dhe Dmitri Medvedev, kryeministër në mandatin e fundit të Putinit. "Qëllimi i jetës sime do të jetë, si më parë, shërbimi ndaj njerëzve, në atdheun tonë", tha Putin, pasi u betua mbi kushtetutën e Rusisë. Sipas kushtetutës, ky afat gjashtëvjeçar supozohet të jetë edhe i fundit për Vladimir Putin, i cili do ta ketë mandatin deri në vitin 2024. Por që tani kanë nisur spekulimet se mund të zgjasë edhe më shumë në ndonjë mënyrë. Popullariteti i tij u rrit pasi ai aneksoi territorin e Krimesë nga Ukraina në vitin 2014 dhe shumë rusë kanë pranuar thirrjen e tij për t'u bashkuar rreth Kremlinit në mes të konfrontimit me Perëndimin. Në fjal- imin e tij të përurimit patriotik, Putini u përqendrua tërësisht në Rusi, por la të kuptohej edhe qëndrimin mbi Perëndimin, kur tha: "Siguria e vendit dhe aftësitë mbrojtëse sigurohen me besueshmëri. Ne do të vazhdojmë t'i japim këtyre çështjeve vëmendjen e vazhdueshme që iu nevojitet".