Berisha denoncon djalin e Meksit dhe Olsi Ramën, deputeti i PD: Po me Boden e Krujën pse s’merremi?
ZBARDHET DEBATI ME DYER TE MBYLLURA NE GRUPIN E PD. MURRIZI: EMRAT E TANEVE QE FITOJNE TENDERA
PJESË NGA DEBATI NË GRUPIN E PD Sali Berisha:
Unë do të kërkoja që të gjithë deputetët e PD, të denoncojnë fort të gjithë tenderat dhe koncesionet korruptive të qeverisë. Është e papranueshme që vëllai i Kryeministrit të vendit, Olsi Rama, ka vënë nën kontroll lojërat e fatit. Është shumë e thjeshtë, Oldi Rama është bashkortak në kompaninë "Pegasus Communication". Kjo kompani është në pronësi të Endri Meksit, i cili njihet dhe dihet që është ortak dhe mik i Olsi Ramës. Ishin bashkë Olsi Rama dhe Endri Meksi, që kërkuan të merrnin koncesionin e TVSH- së. Pasi nuk ia dolën të merrnin atë për shkak të presionit të lartë politik dhe publik, morën nën kontroll lojërat e fatit. Të dy bashkë, ata kanë përfituar koncesionin për ndërtimin dhe mirëmbajtjen e sistemit të monitorimit të lojërave të fatit, duke pasur totalisht nën kontroll lojërat e fatit dhe çfarë është më e rrezikshmja, duke krijuar një skemë pastrimi të parave të pista. Janë para që grumbullohen në "ABI Bank", pjesë e bordit të së cilës është edhe bashkëshortja e Kryeministrit, Linda Rama. Është në ' offshore' një bankë që ka miliarda dollarë, por që gëzon mbrojtjen e drejtpërdrejtë të Kryeministrit. Unë ju ftoj t'i denoncojmë të gjitha këto, pasi publiku duhet të jetë i njohur me këto skandale. Edhe kompania e basteve "Live" është një kompani, që dihet që është në pronësi të Gaz Demit dhe Olsi Ramës dhe që ka monopolizuar totalisht tregun e basteve.
Doktor, këta deputetët që janë këtu, janë të rinj dhe kanë ardhur në parti me korrespondencë. Duhet t'u themi se Endri
Myslim Murrizi:
Meksi është djali i ish- Kryeministrit demokrat, Aleksandër Meksi. Nëse mendojmë politikisht, mbase edhe me të drejtë, që ky flirton me qeverinë dhe merr tendera, duhet ta themi. Por po ashtu, duhet të themi se bëhet fjalë për djalin e dikujt, qoftë ai edhe ish- Kryeministër, që ka 22 vjet që ka ikur nga politika. Por nëse ne mendojmë të jemi të hapur me qytetarët, dhe për mua duhet të jemi, të mos e fillojmë me dikë që ka ikur nga politika para 22 vjetësh. Ne kemi brenda partisë njerëz që përfitojnë tendera e poste dhe mbajnë në duart e tyre flamurin e opozitarit. Unë jam që ta fillojmë me këta tanët, që edhe thonë që jemi opozitarë edhe i bëjnë opozitë opozitës, në një kohë që joshen dhe marrin tendera nga qeveria. Nuk duhet të mbajmë dy standarde për të njëjtën gjë. Besoj të gjithë jemi të njohur me investigimin e një televizioni në lidhje me një firmë fantazmë, që mblidhte mbetjet spitalore. Duhet të themi dhe të mos fshihemi se administratore e kësaj kompanie është nëna e anëtarit të Këshillit Kombëtar të PD- së, Fabian Topollaj, ortak i kësaj kompanie është vëllai i ish- deputetit të PD- së, Keltis Krujës, dhe vëllai i deputetes Reme Lala. Deputetët duhet ta dinë se kjo firmë është krijuar në 3 mars 2017, kohë kur ne ishim në çadër dhe luftonim me qeverinë, ndërkohë që ata kanë marrë tender në dhjetor 2017. Dhe kanë marrë jo pak, por miliona euro. Gjithashtu, edhe një i afërm dhe shofer i Ridvan Bodes është administrator kryesor në inceneratorët e Fierit dhe Elbasanit. Atëherë, për çfarë standardesh flasim? Unë jam që të denoncojmë këdo që merr tendera dhe koncesione korruptive, por e mira është për të qenë të vërtetë përpara publikut, ta nisim nga vetja.
Ne kemi brenda partisë njerëz që përfitojnë tendera e poste dhe mbajnë në duart e tyre flamurin e opozitarit. Unë jam që ta fillojmë me këta tanët, që edhe thonë që jemi opozitarë, edhe i bëjnë opozitë opozitës, në një kohë që joshen dhe marrin tendera nga qeveria. Nuk duhet të mbajmë dy standarde për të njëjtën gjë. Besoj të gjithë jemi të njohur me investigimin e një televizioni në lidhje me një firmë fantazmë, që mblidhte mbetjet spitalore”