PENSIONISTET Formulari, si përfitohen 3 kompensime për dritat

Tre vendimet nga 2006 për kompensimin e pensionistëve. Kategoritë që mund të përfitojnë deri 1288 lekë në muaj dhe dokumentet që kërkon ISSH

Nuk janë pak, por 1288 lekë kompensim vetëm për energjinë, që një familje pensionistësh mund të përfitojë në muaj.

Duke ditur se pensioni mesatar është rreth 16 mijë lekë, kjo shumë shërben sa një shtesë prej rreth 8 për qind në pensionin mujor. Për ta bërë sa më të qartë, qeveria vitet e fundit i ka rritur pensionet me më pak se 3 për qind. Në fakt, nuk është një kompensim, por tre të tilla, që një kryefamiljar pensionist mund të përfitojë. Të tria kanë të bëjnë me rritjen e çmimit të dritave. Kompensimi i parë prej 500 lekësh është ai i marrë në vitin 2006, kur u rrit për herë të parë energjia. Kompensimi i dytë prej 140 lekësh u dha me vendim të qeverisë në vitin 2010. Të dyja këto kompensime jepeshin për energjinë e konsumuar deri në 200 kilovat orë në muaj. Më vonë fasha me çmim të ulët të energjisë u rrit në 300 kilovat. Por qeveria socialiste me reformën në energji e hoqi çmimin e ulët për konsumin deri në 300 kilovat në muaj. Për këtë vendosi në vitin 2015 të kompensojë pensionistët me 648 lekë në muaj. Në total, kompensimi me tre vendimet arrin në 1288 lekë në muaj. Por jo të gjithë pensionistët e përfitojnë. Kushti kryesor është që të jenë pensionistë kryefamiljarë pa të ardhura të tjera dhe pa asnjë person në familje që të krijojë të ardhura. Gazeta boton çfarë thotë ISSH- ja për kompensimin e energjisë elektrike për të tre vendimet e qeverisë. Kategoritë dhe kushtet që duhen përmbushur për përfitimin e secilit kompensim. Bashkë më kategoritë gazeta boton edhe formularin që duhet plotësuar nga pensionisti dhe kushtet e deklarimit. Në të parashikohet që pensionisti të deklarojë se “Nuk kam njeri nga familja në punë”, “Nuk kam detyrime të papaguara ndaj degës së shitjes së energjisë elektrike”. Në formularët parashikohet edhe tërheqja nga kompensimi. “Deklaroj se, në rast të punësimit të anëtarëve të familjes apo në