“Bashkitë me humbje tek ujësjellësi, s’rikandidojnë”
Gjiknuri: Nuk do financohen ndërmarrjet me performancë të dobët
Rritja e të ardhurave dhe lufta kundër informalitetit në sektorin e ujit, do të jetë një nga kushtet për rikandidimin e kryetarëve të bashkisë në zgjedhjet e ardhshme lokale. Ministri i Infrastrukturës dhe Energjetikës, Damian Gjiknuri, deklaroi dje gjatë analizës vjetore të Agjencisë Kombëtare të Ujësjellës Kanalizimeve se kompanitë që nuk përmirësojnë situatën financiare, nuk do të financohen. Ministri Gjiknuri u shpreh se madje, rritja e administrimit të Ndërmarrjes Ujësjellës- Kanalizimeve do të jetë një test për rikanditimin e kryetarëve të bashkisë. “Nuk mundet që bashkitë të mbyllin sytë dhe të thonë ‘ e mo mirë se unë jam i zgjedhur vendor dhe nuk kam pse reagoj për këtë’. Jo, përkundrazi. Ne duhet t’ua bëjmë të qartë njerëzve që ata të zgjedhur vendorë që nuk marrin masa për të administruar këtë mall kaq të rëndësishëm, për ta nuk ka pse edhe të kandidojnë më apo nuk kanë pse të kenë mbështetjen e njerëzve. Se njerëzit shpeshherë e transferojnë përgjegjësinë te qeveria. Por, në fakt, administrimi i ujit është përgjegjësi direkte e pushtetit vendor. Ky do të jetë edhe një nga testet për shumë të zgjedhur bashkiakë, të paktën e ka thënë edhe Kryeministri, edhe brenda forcës sonë politike, që do mbështetjen politike të partisë që të ka kandiduar? Po. Performo në një nga sektorët më kyç, më jetik të vendit”, u shpreh Gjiknuri. Kreu i Ministrisë së Infrastrukturës dhe Energjetikës u shpreh se së shpejti do të jenë gati dhe ndryshimet ligjore për ndërmarrjet që nuk rrisin administrimin. “Nisur nga kjo mundësi që kemi, mundësi të pakta, modeste ato që janë dhe që shteti gjithmonë merr një risk këtu, kemi gjetur sistemin e performancës, pra, aty “Nuk mundet që bashkitë të mbyllin sytë dhe të thonë ‘ e mo mirë se unë jam i zgjedhur vendor dhe nuk kam pse reagoj për këtë’. Jo, përkundrazi. Ne duhet t’ua bëjmë të qartë njerëzve, që ata të zgjedhur vendorë që nuk marrin masa për të administruar këtë mall kaq të rëndësishëm, për ta nuk ka pse edhe të kandidojnë më apo nuk kanë pse të kenë mbështetjen e njerëzve. Ky do të jetë edhe një nga testet për shumë të zgjedhur bashkiakë, të paktën e ka thënë edhe Kryeministri, edhe brenda forcës sonë politike, që do mbështetjen politike të partisë që të ka kandiduar? Po. Performo në një nga sektorët më kyç, më jetik të vendit”. ku performohet, aty do të investohet. Nga ana tjetër, ne po përgatisim edhe ndryshimet ligjore të nevojshme, por nisur edhe nga stadi aktual, nëse ndërmarrjet e ujësjellësve nuk do të performojnë dhe vazhdimisht krijojnë humbje të mëdha financiare, shteti duhet të ndërhyjë. Për këtë do përgatiten edhe ndryshimet e nevojshme ligjore, në mënyrë që kur nuk ka performancë, ka dy mënyra, ose do t’i bashkohesh një ujësjellësi më të suksesshëm dhe kjo do të bëhet me qasje nga lart- poshtë, ose ajo do të kalojë në një administrim tjetër, për të sjellë parametra më të lartë të administrimit”, u shpreh Gjiknuri. Ministri u shpreh se deri tani, nga aksioni i informalitetit janë arkëtuar 9 milionë euro të ardhura. Ministri Gjiknuri u kërkoi Ujësjellësve që këto të ardhura shtesa t’i përdorin për shlyerjet e borxheve dhe për investime. “Këto para duhet të shkojnë për të përmirësuar situatën financiare, sidomos likuidimin e borxheve ndaj sektorit të energjisë elektrike. E dyta, për investime të nevojshme sidomos në matës, pra, në sahatet e ujit”, u shpreh Gjiknuri.