“Keqardhje për KLD- në, për gjyqtarët kishte shkelje flagrante
Presidenti i Republikës, Ilir Meta, ka reaguar dje pas vendimit të Këshillit të Lartë të Drejtësisë, për të mos miratuar shkarkimin e 4 gjyqtarëve. Zëdhënësi i Presidentit, Tedi Blushi, ka sqaruar se Meta shpreh keqardhje për vendimin e KLD- se dhe se ai, në krye të këtij institucioni, ka mbështetur të gjitha propozimet për procedime disiplinore apo shkarkime. “Presidenti i Republikës, z. Ilir Meta, shpreh keqardhjen për mosmiratimin e propozimeve të Ministrisë së Drejtësisë për shkarkimin e disa gjyqtarëve nga ana e Këshillit të Lartë të Drejtësisë. Mbledhja e ditës së djeshme dhe vendimmarrja e shumicës së anëtarëve të KLD- së për procedimin e gjyqtarëve tregon edhe një herë nevojën ekstreme që ka vendi, për ngritjen dhe funksion- imin sa më parë të organeve të reja të sistemit të drejtësisë, që janë parashikuar nga reforma. KLD sot funksionon bazuar në dispozita tranzitore dhe kjo gjendje duhet të marrë fund sa më parë. Shkeljet disiplinore të kryera nga disa gjyqtarë, të shqyrtuara ditën e djeshme në KLD, ishin më tepër se flagrante dhe me pasoja të rënda”, tha dje zëdhënësi i Metës. Në emër të Presidentit, zëdhënësi Tedi Blushi, shpreh se: “Ngritja dhe funksionimi i organeve të reja si; Këshilli i Lartë Gjyqësor dhe Inspektori i Lartë i Drejtësisë, do të vendosë çdo gjyqtar përballë një sistemi objektiv të llogaridhënies për veprimtarinë e tij. Votimi i djeshëm, për këto raste tregoi se KLD nuk u përgjigjet dot pritshmërive të shoqërisë për reformimin e sistemit të drejtësisë”.